ది సైన్స్ ఎపిసోడ్ ఇరవై ఎనిమిది

ఇంట్రో యాంకర్
విశ్వరహస్యాలను మీ ముంగిలిలో నిలిపే ది సైన్స్ అల్టిమేట్ నాలెడ్జ్ కు స్వాగతం
వాయిస్
ఈ విశాల విశ్వంలో ఇప్పటి వరకు మానవుడు మనుగడ సాగించగల గ్రహం భూమి ఒక్కటే..మానషి భూ చర జీవి..కేవలం నేల పై మాత్రమే జీవిస్తడు. తనకు కావలసిన అన్ని అవసరాలు నేలే తీరుస్తది. నీటి మీద పయనం చేసినా..నీటిలో దిగినా అది పరిమిత కాలం మాత్రమే.. జీవితాంతం నీటిలో మనుగడ సాగించడం సాధ్యంకాని పని.
స్పాట్
మనిషి నేల మీద మాత్రమే జీవించగలడు..కానీ మనకు కనిపించే ఈ భూగోళంలో మూడొంతుల నీరే ఉంది. కేవలం నాలుగవ భాగం భూగోళం మాత్రమే మనిషి సంచరించడానికి అవకాశం ఉన్నబాగం. అందులోనూ మంచు పర్వతాలు… కొండలు, కోనలు, లోయలు ఇవన్నీ మానవసంచారానికి అనుకూలం కాదు. కేవలం మైదాన ప్రాంతం మాత్రమే మానవ మనుగడకు అనుకూలం. కానీ విస్పోటనంలా పెరుగుతున్న జనాభాకు ఈ నేల సరిపోతుందా.. మరో గ్రహంలో నీటి ఛాయల కోసం వెదికే మానవుడు ఈ గ్రహం పై ఉన్న నీటి ఆవాసాన్ని తనకు అనుకూలంగా మలుచుకుంటే ఎలా ఉంటుంది. యస్.. ఆ ఆలోచనే మనిషికి కొత్త ఆవాస ప్రాంతాన్నిచ్చింది. నేల పైనే కాదు మనిషి తలుచుకుంటే నీటిలోనే ఆకాశాన్ని తాకే అంతస్తులు నిర్మించవచ్చని నిరూపించిండు.
స్పాట్
రానున్న మరో 100 సంవత్సరాలలో ఈ నేల మానవ నివాసానికే సరిపోదు..ఇక పాడి పంటలు పెంచడం కూడా చాలా కష్టం కావచ్చు. అందుకే ప్రత్యామ్నాయాలను ఆలోచిస్తున్నరు శాస్ర్తవేత్తలు. భూగోళం పై మూడొంతులు ఆక్రమించిన నీటిని కూడా మానవుడు కబళిస్తే ఎలా ఉంటుంది. నీటి పై నగరాలు నిర్మిస్తే చాలా వరకు సమస్యతీరుతుంది కదా..అవును .. ఉవ్వెత్తున ఎగసే కెరటాలను పునాదులుగా చేసుకొని నగరాలకు లే అవుట్ గీస్తే ఎలా ఉంటది. ఇదిగో ఇలా ఉంటదంటున్నారు శాస్ర్తవేత్తలు.
స్పాట్ (సముద్రం పై ఇళ్లు కట్టే ఇళ్ల స్పాట్లు)(సముద్రం విజువల్స్)
ఇక్కడ నక్షత్రాకార నమూనాలో కనిపిస్తున్న లే అవుట్ నిర్మాణాలు సముద్ర ఉపరితలం పై ఆధునిక పద్దతిలో కట్టిన కట్టడాలు..ఇది నీటి పై తేలే నగరం. చందమామ కథల్లోలా లాగా జలగృహాల సముదాయం ఇది.
స్పాట్
ఈ ఇండ్లను కట్టడానికి ఫోమ్ ను వాడుతరు. ఫోమ్ తో తయారు చేయబడ్డ ప్రత్యేక ఇటుకల సహాయంతో ఈ ఇండ్లను నిర్మిస్తరు. రామప్పగుడి ఇటుకల మాదిరిగా ఇవి కూడా నీటిలో తేలే ఇటుకలన్నమాట. ఇటువంటి ఇటుకలన్నిటిని ఒక్కోక్క బ్లాక్ గా చేసి ఆ బ్లాక్ లన్నిటిని ఫైబర్ కడ్డీలతో అమర్చుతరు. సుమారు 4లక్షల చదరపు అడుగుల విస్తీర్ణంలో తయారు చేసిన ఈ నీటి పై తేలియాడే నగరానికి భూమి పై నిర్మించే అన్ని రకాల భవనాలకుండే హంగులు ఉంటయి.
స్పాట్
సముద్రం అంటే మాటలు కాదు. అది అల్లకల్లోలానికి గుర్తు. పౌర్ణమి అమావాస్యలలో సముద్రంలో కెరటాల అలజడి అంతా ఇంతా కాదు. మరి ఈ ఆటుపోట్లను తట్టుకోవాలంటే ఎలా..అందుకే ఈ భవన నిర్మాణాలకు అడుగున షాక్ అబ్జర్వర్స్ లాంటి ఫైబర్ రాడ్ లను వాడుతరు. ఇదిగో ఇలా అలకు కుదుపులకు భవనాలు దెబ్బతినకుండా కాపాడుతయి.
స్పాట్
ఇదిగో ఇక్కడ కనిపించే నల్లని ఉపరితలమంతా.. నీటిమీద తేలే భవన నిర్మాణ తలం.. దీనికి కింద భాగంలో ఫోమ్ తో 30 మీటర్ల ఫోమ్ తో తయారు చేయబడిని పునాది ఉంటది. ఈ నగరంలో తేలే విమానాలు, తేలే సూపర్ మార్కెట్లు ఇవన్నీ ఉన్నయి. దీనికోసం ప్రత్యేకంగా తయారు చేయబడిన ఆర్కిటెక్చర్ ప్లాన్ లు తయారు చేశారు. ఇదిగో ఇక్కడ కొందరు నిఫుణులు అతి జాగ్రత్తగా తేలియాడే భవనాలు నిర్మించడంలో బిజీబిజీగా ఉన్నరు.
స్పాట్
వాస్తవానికి ఈ భూమి పై ఉన్న విస్తీర్ణంలో మూడొంతుల నీటినే కాదు ఆకాశాన్ని కూడా వినియోగించుకొనే ప్రయత్నం చేశారు ఆర్కిటెక్చర్లు. ఇదిగో ఇక్కడ కనిపిస్తున్న ఈ నిర్మాణం చైనా రాజధాని బీజింగ్ లో ఉన్న సిసి టివీ టవర్స్. ఇది ప్రపంచంలోనే ఒక అద్భుత నిర్మాణంగా చెప్పొచ్చు.
స్పాట్ (ఒరజినల్)
ఈ టవర్ లలో మొత్తం లభించే విస్తీర్ణం 4 మిలియన్ ల చదరపు అడుగుల స్థలం. ఇది ప్రపంచంలోనే అతి పెద్ద ఆఫీస్ గా గుర్తించారు పరిశోదకులు. దీని తరువాత స్థానాన్ని పెంటగాన్ ఆక్రమించింది. దీనిలో నిత్యం 10వే మంది ఉద్యోగులు, వేలాది మంది సందర్శకులతో భవనం కిటకిటలాడుతుంటది. అంటే ఇది చిన్నపాటి నగరంతో పోల్చారు శాస్ర్తవేత్తలు.
స్పాట్
సిసి టివీ అతి పెద్ద నిర్మాణం..ఇక్కడ అతిపెద్ద నిర్మాణం అనేది ప్రత్యేకత కాదు..అతి పెద్ద నిర్మాణాలు ఎన్నో ఉన్నా మనం దీనిగురించే చర్చించుకుంటున్నామంటే దీనిలో ఒక ప్రత్యేకత ఉంది. ఇంతకీ ఏంటా ప్రత్యేకత.
స్పాట్
ఈ సిసి టివి టవర్స్ లో ఉన్న ప్రత్యేక లక్షణం ఆర్కిటెక్చర్ మోడల్స్ నే పూర్తిగా మార్చేసింది. ఆధునిక ఆర్కిటెక్చర్ లకు కొత్త ప్లాన్ లను నేర్పింది. ఇది నేలపై తక్కువ స్థలాన్ని ఆక్రమించి ఎక్కువ విశాలమైన గదులను అందించడమే దీని ప్రత్యేకత. మరొక ముఖ్య విషయం ఏంటంటే ఇది భూమి పై కేవలం కొంత ప్రాంతాన్ని ఆక్రమించి..ఆకాశంలో వంతేన మాదిరి నిర్మాణాన్ని కట్టగలిగిన్రు. ఈ ఎయిర్ బ్రిడ్జ్ మామూలు బ్రిడ్జ్ కాదు. 11 అంతస్థుల నిర్మాణం. ఇందులో వందల కొద్దీ ఆఫీసులు ఉన్నయి. నిజానికి రెండు టవర్ల మద్యలో ఉన్న ఈ బ్రిడ్జిలో ఇంత భారీ బరువును ఆపడం నిజంగా వండరే. ఆకాశంలో 500మీటర్ల ఎత్తు నిర్మాణాన్ని నిర్మించడం వెనుక రహస్యం దీని పునాదుల్లోనే దాగి ఉంది. ఈ టవర్ల నిర్మాణాన్ని పరిశీలిస్తే ఇవి రెండూ 10 డిగ్రీల ఏటవాలు కోణంలో నిర్మించబడినయి. దీంతో ఇవి ఒకవైపు ఒరిగిఉన్నట్టు ఇప్పుడో ఇంక నిముషంలోనో కూలిపోతున్న భ్రమను కలిగిస్తుంది. అందుకే చైనీయులు దీన్ని ప్రమదకర భవనంగా పిలుస్తరు.
స్పాట్
దీనినిర్మాణంలో ఉన్న ప్రత్యేకత మరోటి ఉంది. రెండు రకాల పునాదులు. రెండు రకాల స్లాబ్స్ ఉన్నయి. దీని పునాది మొత్తం మందపాటి ఇనుప చువ్వలతో నిర్మించబడి ఉంది. వేలాది చువ్వలను పునాదులలో అమర్చిన్రు.
స్పాట్
ఈ భవనం ఆకాశాన్ని ఆక్రమించ వచ్చనే విషయాన్ని రుజువు చేసింది. భవిష్యత్తులో ప్రతి బ్రిడ్జికి, ప్రతి బిల్డిండ్ కు అను సంధానంగా ఆకాశ వంతెన భవనాలు నిర్మించే రోజు తొందరలోనే ఉంది.
స్పాట్
ప్రపంచవ్యాప్తంగా ప్రస్తుతం 6 వందల మిలియన్ ల వాహనాలు రోడ్లపై తిరుగుతున్నయి. 2020 కల్లా ఇది 1.2 బిలియన్ల వాహనాలు రోడ్లను ఆక్రమించనున్నాయనేది ఒక అంచనా. ఇన్ని వాహనాలు తిరగాలంటే ఇప్పుడున్న రోడ్లు చాలవని ప్రపంచ వ్యాప్తంగా ఒక ఆందోళన మొదలయింది. అందుకే దీన్ని అధిగమించాలి.. ఒకటి వాహనాల సైజు తగ్గించాలి. లేదా పూర్తిగా వాహనాల రూపురేఖలనే మార్చేయాలి.
స్పాట్
ఆకాశంలో ఎగరాన్న మానవుడి ఆశ అతి త్వరలో నిజం కాబోతోంది. ఎందుకంటే ఒకప్పుడు ఇది సరదా గా ఎగరాలనుకున్న మానవుడికి ఇప్పుడది తప్పని అవసరం అయింది. ఒకప్పుడు పక్షిని చూసి రెక్కలు కట్టుకొని ఎగిరి విహంగ వీక్షణ చేయాలని ఉబలాట పడ్డడు మానవుడు. ఆ ఆలోచనల్లోంచి వచ్చిందే విమానం..విమానం ఎక్కే అదృష్టం అందరికీ లభించకపోవచ్చేమో గానీ ఆకాశంలో ఎగిరే అదృష్టం ఇక ప్రతి ఒక్కరికీ సొంతం కాబోతంది. అదీ మరో 30 ఏళ్లలో రాజహంసల్లా విను వీధిలో హాయ్ చెప్పుకోవచ్చు.
స్పాట్
21 శతాబ్దపు అంతంలో ఇక మనుషులు హెలికాప్టర్లు పోటీ పడాల్సిందే. శాస్ర్తవేత్తలు దీనికి పెట్టిన ముద్దుపేరు జెట్ ప్యాక్..ఈ జెట్ ప్యాక్ను తగిలించుకొంటే ఆకాశ మార్గంలోఅవలీలగా ప్రయాణించ వచ్చు. జెట్ ప్యాక్ అందరికీ అందుబాటులోకి వస్తే సగం ట్రాఫిక్ సమస్యలను అధిగమించొచ్చు. అంతేకాదు తూనీగల్లా ఆకాశంలో మనుషులు కనిపిస్తారు. ట్రాఫిక్ లో చిక్కుకొని సమయానికి చేరలేమనే భయం కూడా ఉండదు. తక్కువ సమయంలో వేగంగా అడ్డదారిలో వెళ్లొచ్చు. అంతేకాదు ఇరవై అంతస్థుల పైన ఉన్న ఆఫీస్ లోకి నేరుగా వెళ్లిదిగొచ్చు.
స్పాట్
న్యూయార్క్ లో 20 మైళ్లదూరం ప్రయాణించడానికి కనీసం గంటంబావు సమయం పడుతది. జెట్ ప్యాక్ అందుబాటులోకి వస్తే 5 నిముషాల్లో ఈ దూరాన్ని చేరొచ్చంటున్నారు దీన్ని పరిక్షించిన జెట్ ప్యాకర్స్. అవును రానున్న రోజుల్లో ఈ జెట్ ప్యాక్ లో ఇందనాన్ని నింపుకొనే ఫ్యూయల్ స్టేషన్స్ కూడా ఉన్నాఆశ్చర్యపోవాల్సిన అవసరం లేదు.
స్పాట్
ఆకాశంలో ఎగరడం ముందు ముందు ఓ ఫాషన్ కావచ్చు..జెట్ పాక్లను 1960లోనే తొలిసారి ప్రయోగించి చూసిన్రు. ఇదిగో ఇదే జెట్ పాక్ మిషన్..దీన్ని ధరించడం చాలా ఈజీ..మనం కారులో సీట్ బెల్టు పెట్టుకుంన్నట్టే దీన్ని నడుముకు చుట్టుకోవాలి. ఈ మిషన్ కు 800 హార్స్ పవర్ ల శక్తి ఉంది. వాస్తవానికి ఇది హైడ్రోజన్ పారాక్టైడ్ రాకెట్.. ఇందులో ఉన్న మూడు సిలిండర్ లు ఉంటయి. ఈ సిలిండర్ లలో హైడ్రోజన్ పెరాక్సైడ్ఉంటది. ఇది సల్పర్ తో చర్యజరిపనపుడు అత్యధిక ఉష్ణోగ్రత గల ఆవిర్లు వెలువడుతయి. ఈ వేడి నీటి ఆవిరి బలంగా కిందికి వదలడం వలన వ్యక్తి బలంగా పైకి నెట్టబడుతాడు. ఈ వేడి ఆవిర్ల ఫోర్సును బట్టి ఎగిరే ఎత్తు ఉంటది. కిందికి దిగాలంటే ఫ్లూయిడ్ ని కంట్రోల్ చేస్తే చాలు హాయిగా లాండ్ అయిపోవచ్చు. ఎక్కడన్నా ఇందనం అయిపోవచ్చిందంటే ముందుగానే హర్న్ ఇస్తది. దీంతో ఎక్కడంటే అక్కడే దిగి వెళ్లొచ్చు.
స్పాట్
దీని సాయంతో ఇళ్లపైనుంచి వెళ్లే వీలుంద. పెద్దపెద్ద లోయలను అవలీలగా దాటొచ్చు. అంతేకాదు విపత్తులపుడు వ్యక్తులను కాపాడటానికి వారికి కావలసిన సాయం అందించడానికి కూడా ఈ జెట్ పాక్ లు సహకరిస్తయి.
స్పాట్
ఇంత సౌకర్యమైన మిషన్ చాలా ఖర్చు అయి ఉండడొచ్చనే అపోహ చాలా మందిలో ఉంది. కానీ దీని వెల కేవలం 226 డాలర్ల ఖర్చు మాత్రమే అవుతుంది. ఈమాత్రం చెల్లిస్తే ట్రైనింగ్ తీసుకొని జెట్ పాక్ ను తీసుకొని ఎగురుకుంటూ రావచ్చు.
స్పాట్
అవును ఆకాశంలో ఒంటరిగా ఎగరాలంటే మాటలా.. దురదృష్టం కొద్దీ ఆకాశంలోనే మిషన్ రిపేరుకొచ్చో లేక పూర్తిగా ఆగిపోయిందనుకో..ఇక అటునుంచి అటే నని సెటైర్లేస్తున్నారు సైంటిస్టులు..అందుకే ఒంటరిగా నడపగల స్మాల్ సైజ్ విమానాన్ని ఒకదాన్ని తయారు చేసిన్రు.
స్పాట్
ఇక్కడ ఉన్న విమానాన్ని చూశారా..చూడముచ్చట రాజసాన్ని ఒలకబోస్తూ పక్కన నిలబడి ఫోటోదిగినా చాలన్నంత సొగసులను చిలకరిస్తోంది. అవును మరి రాబోవు 50 ఏళ్లలో ఇంటికో విమానం ఉన్నా ఆశ్చర్యపోనక్కర్లేదు. ఇప్పుడు బైక్ సర్వీస్ సెంటర్లలాగే గల్లీకో ఫ్లైట్ సర్వీసింగ్ స్టేషన్లు ఏర్పాటు కావచ్చు. ఆ కథేంటో చూద్దాం.
స్పాట్
మెరుపులు మెరుస్తూ మురిపిస్తున్న ఈ చిన్నవిమానం ఆటోపైలట్ సిస్టంతో నడుస్తుంది. ఇందులో మాగ్నటిక్ మీటర్స్ దిక్కులను చూస్తయి. దీనికి రాడార్ వ్యవస్థతో పెద్దగా పనిలేదు. ఇది మన ఇంట్లో బైక్ మాదిరిగానే నడుపుకోవచ్చు. ఎందుకంటే రానున్నరోజుల్లో ఎయిర్ ట్రాఫిక్ సిస్టం సాఫ్ట్ వేర్ ను ప్రతి ఆటో పైలట్ విమానానికి కనెక్ట్ చేస్తరు. దీని వలన ఎక్కణ్నుంచి ఏ ఫ్లైట్ ఎగిరేది అది ఎంత ఎత్తులో ఎగిరేది, ఎంత స్పీడ్ లో వచ్చేది అన్నీ సెకన్స్ లోనే ఎస్టిమేట్ చేయగల టెక్నాలజీ ఈ విమానాల సొంతం. ఎటువంటి ప్రికాషన్స్ లేకుండానే లేజర్ రే స్ ద్వారా ఎదురుగా వచ్చే ఫ్లైట్ లను గుర్తించి దాని హైట్, స్పీడ్లను అంచనావేసి ఎదుటి వాహనానికి సిగ్నల్ ఇస్తుంది. అంతే రెండు వెహికిల్స్ వాటి ఎత్తులు, స్పీడ్ లల్లోతగిన మార్పులు చేసుకోవడం గానీ తప్పుకోవడం గానీ చేస్తయి.
స్పాట్
ఈ విమానాల మెయింటెనెన్స్ చాలా తక్కువ. మామూలు పెద్ద విమానానికి గంటకు 400 గ్యాలన్ల ఇందనం ఖర్చయితే.. దీనికి కేవలం 55గ్యాలన్ల ఇందనం మాత్రమే ఖర్చవుతుంది. పెద్ద విమానం ధర 20 మిలియన్ డాలర్ల వరకూ ఉంటుంది. ఈ ఆటోపైలట్ విమానం ధర 1 మిలియన్ 400డాలర్లు మాత్రమే... భవిష్యత్లో టిక్కెట్లు బుక్ చేసుకొనే గొడవలేదు. ఖండాంతరాలకు కూడా ఎప్పుడంటే అప్పడే చెక్కేయోచ్చు. అమెరికా నుంచి ఆస్ట్రేలియాకు, ఇండియాకు పక్కర్లో ఉన్నట్టే వెళ్లిరావచ్చు. అయితే కాసులు మరిన్ని ఖర్చుపెట్టగలిగే స్థోమన ఉండాలి.
స్పాట్
భవిష్యత్తులో ఇదిగో ఇక్కడ చూపినట్లు రైల్వే ట్రాక్ల మాదిరి ఫ్లైట్ ట్రాక్ లు ఉంటయి. వీటిలోనే విమానాలు చక్కర్లు కొడతయి. వీటిని కోఆర్డినేట్ చేసే ప్రత్యేక వ్యవస్థ పనిచేస్తుంది. వీటికి అమర్చిన ఒక ప్రత్యేక చిప్ లద్వారా వీటి కదలికలు ఎప్పటికపుడు తెలుస్తుంటయి. ఇదిగో ఆకాశంలో గూగుల్ ఇచ్చిన ఎయిర్ ట్రాఫిక్ సిస్టం.ఇక్కడ ఎల్లో కలర్లో కనపడే గుర్తులన్నీ విమానాలన్నమాట. ఈ టెక్నాలజి అందుబాటులోకి వస్తే రానున్న రోజుల్లో హాలీడేస్ మొత్తం ఆకాశంలో గడపొచ్చు లేదా ఏదో కొండశికర ప్రాంతానికి చేరుకొని ఫామిలీ మొత్తం ఎంజాయ్ చెయ్యొచ్చు. వెయిట్ చేయకుండా ఫ్లైట్ జర్నీ చేసే అవకాశం మరో 30 ఏళ్లలో మన సొంతం.
స్పాట్
మనిషి సొంతంగా ఆకాశంలో విహరించినట్టే జలగర్భంలో కూడా మిమానంలో విహరించొచ్చని నిరూపించారు సైంటిస్టులు. అవును విమానాలను ఆకాశంలోనే కాదు నీటిలో కూడా నడపగలిగే భారీ విమానాలను తయారు చేస్తున్నరు శాస్ర్తవేత్తలు. దీని ద్వారా సముద్రగర్భంలో జల చరాలను దగ్గర నుంచి చూసే అవకాశం లభిస్తది. వాటర్ ప్రూఫ్ టెక్నాలజితో సబ్ మెర్సిబుల్ క్రాఫ్ట్స్ తయారు చేస్తున్నరు సాంకేతిక నిపుణులు.
స్పాట్ (తయారు చేసే విజువల్స్)
వేల్ చేపలాంటి ఆకారంతో నీటిలో నేరుగా చొచ్చుకుపోగల ఆకారంతో ఈ విమానాన్ని తయారు చేసిన్రు. ఈ విమానం గంటకు 10మైళ్ల వేగంతో మాత్రమే వెళ్లగలదు. ఎందుకంటే అంతకంటే వేగంగా వెళితే దూరం నుంచి ఏ తిమింగలమో ఢీ కొడితే మొదటికే మోసం వస్తది. అందుకే ఇందులో ఉన్న టెక్నాలజి ప్రకారం దాని స్పీడ్ ప్రకారం..దాన్ని కంట్రోల్ చేయగల దూరం వరకు లేసర్ కిరణాల సాయంతో ఎదురుగా ఏమున్నదో గుర్తిచగలరు. ఈ విమానాలు కూడా అందుబాటులోకి వస్తే ఆకాశంలో పొగమంచు కమ్ముకుంటే ఇక నీటి విమానాల ద్వారా ఖండాంతరాలను దాటవచ్చు.
స్పాట్
నీళ్లల్లో ఎగిరే విమానాల మాదిరిగానే నీటిలో నడిచే కారును రూపొందిచిన్రు శాస్ర్తవేత్తలు. ఇదిగో ఇక్కడ లాండ్ స్కేప్ పై వేగంగా వస్తున్న ఈ తెల్ల కుందేలు లాంటి కారులో ఎన్నెన్నో వెరైటీ ఫీచర్స్ ఉన్నయి.
స్పాట్
ఈ ఫాషనేటెడ్ కార్ మల్టీ పర్పస్ యూజ్ ఫుల్ గా ఉంటది. ఇది హెవీ స్పీడ్ అండ్ స్టైలిష్, జీరో ఎమిషన్స్, ఇకో ఫ్రెండ్లీ కార్. అంతేకాదు దీంట్లో అటో డ్రైవింగ్ సిస్టం కూడా ఉంది. హేవీ స్పీడ్ కార్ని స్కూబా అనే కంపెనీ తయారు చేస్తొంది. ఈ కార్ ను నీటిలో కూడా నడుపుకుంటూ వెళ్లొచ్చు. ఈ కారులో వెళ్లే టపుడు మనుషులు తడిసే అవకాశం ఉంది. అంతేకాదు నీటిలో మనుషులకు కావలసిన ఆక్సీజన్ అందించే సిలిండర్, దాని క్వాంటిటీని మెజర్ చేసే రీడర్లు ఉంటయి. ఇది గంటకు 2 మైళ్ల వేగంతో ప్రయాణించగలదు. వెనుక వైపు రెండు ఫ్యాన్లు.. ముందు వైపు రెండు వాటర్ ట్రాప్స్ ఉంటయి వీటి సాయంతోనే కారు దిశ మార్చవచ్చు. ఈ స్కూబా కార్ నీటిలో సుమారు 3గంటలు ప్రయాణం చేయగలదు. ఇందులో ఉన్న ఆక్సీజన్, ఇందనం 3 గంటలకు సరిపడా ఉంటుంది. అంటే ఒక రోడ్డుకు అడ్డంగా ఒక నది లేదా కాలువ లేదా సరస్సు అడ్డం వచ్చినపుడు బ్రిడ్జి వరకు వెళ్లడానికి ఎక్కువ సమయం పట్టడం కానీ లేదా అసలు బ్రిడ్జే లేని సరిస్థితి వచ్చినా ఇటువంటి కారుతో మంచి ఉపయోగం. ఒక్కోసారి వరదలు వచ్చినపడు రోడ్లుకొట్టుకొని పోయి. లో లెవల్ బ్రిడ్జిలు మునిగి ఇబ్బందవుతది. అటువంటి విపత్తులను ఎదుర్కోవడానికి ఈ కారు చాలా బాగా ఉపయోగకరంగా ఉంటుంది.
స్పాట్
మనిషి నింగీ, నేలా ఆకాశాన్ని ఆక్రమించి మొత్తం తన గుప్పిట్లోకి తెచ్చుకొనే ప్రయత్నంలోనే ఈ కొత్త రకం టెక్నాలజీని ఉపయోగిస్తున్నడు. ఈ సాంకేతిక పరిజ్ఞానం సాయంతో భవిష్యత్తులో సముద్రాలను రియల్ ఎస్టెట్ ల కింద అమ్ముకుంటారో లేక పొల్యూషన్ లేని నగరాను నిర్మిస్తారో వేచి చూడాల్సిందే..