ది సైన్స్ ఎపిసోడ్ ముప్పై రెండు

ఇంట్రో యాంకర్
విశ్వరహస్యాలను విప్పి చెప్పే ది సైన్స్ అల్టిమేట్ నాలెడ్జ్ కు స్వాగతం.
బ్యాంగ్ ( మర మనిషి)
యాంకర్ 1
దేవుడు తన సృష్టి ద్వారా మనిషిని పుట్టిస్తే, మనిషి తన తెలివి తేటలతో ప్రతి సృష్టి ద్వారా 'మరమనిషి' ని పుట్టించిండు. ఆ మరమనిషినే ఇంగ్లీషులో 'రోబో' అంటరు. ఈ రోబో చేసే పనులు అన్నీ ఇన్నీ కావు.. ఒక్క పిల్లలను కనడం తప్పా అన్నీ చేయగలదు. మనిషి చేయగల పనులన్నీ అవలీలగా చేయగలదు.. మరీ అతిశయం అనుకోకుంటే మనిషి చేయలేని పనులను కూడా రోబో అవలీలగా స్పీడ్ గా చేయగలదు. ఇంతకీ రోబోకి ఇంత శక్తి ఎక్కడిది. రోబో తయారీకి పునాదులు ఎక్కడివి..
స్పాట్
యాంకర్ 2
మొట్ట మొదట 1948 లో ఇంగ్లాండుకు చెందిన గ్రేవాల్టర్ అనే శాస్ర్తవేత్త "ఎలక్ట్రానిక్ ఆటోనామస్ రోబోట్" ను తయారు చేసిండు. అయనకుంటే ముందే అనేక మంది ఈ మరమనిషి ఊహను చేసినా అవేవీ బయట ప్రపంచానికి అంతగా తెలియలేదు. క్రీ.పూ 450 సంవత్సరంలోనే గ్రీకు గణితవేత్త ఆర్కిటస్ ఆవిరి తో ఒక 'మరపక్షి' ని తయారుచేసి గాలిలో ఎగరేసిండట. ఆ తర్వాత సాహిత్యంలో, సైన్సు ఫిక్షన్లో కూడా రోబో హల్ చల్ మొదలయింది.
స్పాట్( మొదట వచ్చే విజువల్స్, సైన్స్ ఫిక్షన్ మూవీ విజువల్స్)
రోబో.. ఈ పదం ఇప్పటి వరకు అంటే మొన్న మొన్న రజనీకాంత్ రోబో సినిమా వచ్చే వరకూ చాలా మందికి చాలా తక్కువ పరిచయం ఉన్న పదం.. రోబో అంటే కేవలం సైన్స్ ఫిక్షన్ సినిమాలోనే చూసేవారు. కానీ నిజమైన రోబోల గురించి తెలిసివారు అతి తక్కువ మందే. రోబో గురించి కొన్ని ఊహాగానాలు మరి కొన్ని కల్పితాలు ప్రచారంలో ఉన్నయి. ఎందుకంటే సినిమాల్లో రోబోలకు నిజజీవితంలో రోబోలకు చాలా తేడాలున్నయి.
స్పాట్
మర మనిషి భావన 20వ శతాబ్దం నుంచే బలంగా నాటుకు పోయింది. మరమనిషి ఇప్పుడున్నరూపాన్ని సంతరించుకోవడానికి ముందు ఎన్నో రూపాలు మారింది. ఇప్పటికీ మారుతూ వస్తోంది. మర మనిషి అనే పదం దీనికి సరియైనది కాదని కూడా చాలా మంది అభిప్రాయపడుతున్నారు. ఎందుకంటే మొదట 'రోబో' అనే మాట 'కారెట్ లేపెక్' అనే 'చెక్ రచయిత' ఉపయోగించిండు. 'చెక్' భాషలో 'రోబో' అంటే బానిస అని అర్థం. అతడికి ఈ పదాన్ని అందించింది అతని తమ్ముడైన జోసఫ్ లేపెక్. ఏమైనా 1950ల తర్వాత ఊపందుకున్న రోబోల తయారీ కాలక్రమంలో అమెరికా, జపాన్ దేశాల శాస్త్రజ్ఞుల ద్వారా రోజు రోజుకూ పరిణితి చెందింది. రోబోల తయారీ కోసమే రోబోటిక్స్ అనే సైన్సు పుట్టింది.
స్పాట్
మనిషి చేయలేని ప్రమాదకరమైన పనులకు అంటే బాంబ్ డిప్యూజింగ్ అగ్ని ప్రమాదాలు వంటి వాటిలో సహకరించేందుకు.. లేదంటే మనిషితో అవసరం లేని పనులకు రోబోలను ఉపయోగించిన్రు.. కాలక్రమంలో డొమెస్టిక్ రోబోలు వచ్చినయి. వీటి వల్ల సంపన్న వర్గాలకు ఇంటి పనులు చేసేందుకు అత్యంత టెక్నాలజి గల జీతం అక్కరలేని పనిమనుషులు దొరికిన్రు. అభివృద్ది చెందిన దేశాల్లో పని మనుషులను పెట్టుకోవడం కంటే ఒక రోబోను కొనుక్కోవడం సులభం కనుక ఇంటి పనులు చేయడానికి డొమెస్టిక్ రోబోల అవసరం ఏర్పడి ప్రస్తుతం వాటి గిరాకీ ఎక్కువగా ఉంది.
స్పాట్
యాంకర్ 3
సాంకేతిక పరిజ్ఞానం ఇంతగా డెవలప్ అయిన ఈ రోజుల్లో రోబోలు చేయని పనంటూ లేదు. ఇంట్లో పనుల దగ్గరి నుంచి ఆఫీస్ పనుల వరకు మనుషులకంటే సమర్ధవంతంగా, తేలికగా, వేగంగా చేయగలుగుతున్నయి. మనిషులకు చేదోడు వాదోడుగా ఉంటున్నయి. ఆఖరుకు వైద్యం చేయడంలో కూడా రోబో ఓ చేయి వేసింది. ఇప్పటి వరకు డాక్టర్ చేతి చలువ అనేవారు..ఇకనుంచి రోబో చేతి చలువతో ఆరోగ్యం కుదుట పడింది అనాలేమో.
స్పాట్
రోబోల వల్ల జరుగుతున్న ఉపయోగకరమైన పనుల్లో అవి ఆపరేషన్లో సాయపడటం ఒకటి. డాక్టర్లకు సహాయంగా సూక్ష్మ భాగాల సర్జరీ కోసం అతి చిన్న రోబోలు తయారయ్యాయి. వీటిని "టినీ రోబోట్స్" అంటున్నరు. ఆపరేషన్ల సమయంలో మనిషి ద్వారా రోగికి ఇన్ఫెక్షన్లు వచ్చే అవకాశం ఎక్కువ. కాని టినీ రోబోట్స్ ద్వారా ఆ ప్రమాదం పూర్తిగా తొలగిపోయి, ఆపరేషన్ అనంతరం రోగి త్వరగా కోలుకుంటడు. మొత్తం మీద 2020 నాటికి ఇంచుమించు మనిషిలాంటి రోబోలు తయారవుతున్నయని ఒక అంచనా. ప్రస్తుతం తాకడం ద్వారా అది ఏ వస్తువో గ్రహించే స్పెన్సర్లను తయారు చేసి వాటిని రోబోల చేతికి అమరుస్తున్నారు శాస్త్రవేత్తలు. ఈ ప్రయోగం సఫలం అయితే రోబోలకు స్పర్శాజ్ఞానం వచ్చేస్తుంది. అవి ఇంకా మెరుగైన సేవలు అందిస్తాయి. రోదసిలో, సముద్ర గర్భంలో... ఇంకా ప్రమాదకరమైన అనేక చోట్ల మనిషికి బదులు రోబో ఎంతో సహాయకారిగా పని చేస్తున్నా రోబోల వల్ల ప్రమాదాలు కూడా ఉండే అవకాశం ఉంది.
స్పాట్
సాంకేతిక యంత్రాలను రోబోట్‌లుగా పరిగణించాలనే దానిపై ఏకాభిప్రాయం లేదు, అయితే నిపుణులు మరియు ప్రజలు సాధారణంగా కొన్ని పనుల్లో కొన్ని లేదా అన్ని చేసేవాటిని రోబోట్‌లుగా అంగీకరిస్తున్నారు ముఖ్యంగా వీటికి కదిలే సామర్థ్యం కలిగివుండటం, యాంత్రిక అవయవం కలిగివుండటం, వాటిచుట్టూ ఉన్న వాతావరణాన్ని గ్రహించి, నియంత్రించగలగడం, మేథావి ప్రవర్తనను ప్రదర్శించడం, ముఖ్యంగా మానవులు లేదా ఇతర జంతువుల ప్రవర్తనను అనుకరించడం వంటి లక్షణాలున్న వాటినే రోబోలుగా పిలవాలని పరిశోధకులు చెబుతున్నరు.
యాంకర్ 4
మనిషికి రోబోను సృష్టించాలన్న ఆలోచన ఎందుకొచ్చింది. రోబోని మనిషి ఆకారంలో తీర్చిదిద్దాలని పరిశోధకులు ఎందుకనుకున్నరు. ఇది చాలా మంది మెదళ్లను తొలిచే ప్రశ్న. వాస్తవానికి రోబో అనేది మరమనిషే కాదు. అనేక రూపాల్లో ఉన్న సాంకేతిక యంత్రం. ఒక్కో పనికి ఒక్కో ప్రోగ్రామింగ్‌ను రూపొందించి వదిలేసిన కదిలే కంప్యూటర్‌ రోబో..
స్పాట్
వాయిస్
శాస్ర్తవేత్తలు రోబోలో తయారీలో సంచలనాలు క్రియేట్‌ చేస్తున్నరు. ఇప్పడు రోబోల నుంచి శాస్ర్తవేత్తలు ఆశిస్తున్న వి మూడు అంశాలు..ఒకటి రోబోలు పరిసరాలను గుర్తించగలగాలి. రెండు రోబో తన అనుభవాలతో ఎప్పటికపుడు తన సాఫ్ట్‌ వేర్‌ ను తానే అప్‌డేట్‌ చేసుకోగలగాలి. మూడు మానవ మేథస్తుకు మించిన వేగం రోబో కంప్యూటర్ కు ఉండాలి. దీనితో బాటు అన్ని రకాల వాతావరణ పరిస్థితులకు తట్టుకోగల బాడీ నేచర్ ఉండాలి. ఇటువంటి లక్షణాలున్న రోబో తయారైతే ఇక మానవుడు సాధించాలనుకున్నవి రోబోల సాయంతో త్వరగా సాధించ వచ్చని పరిశోధకుల ఆశ.
స్పాట్
రోబో తాను స్వతహాగా కదులు కుంటూ వెళ్లాలంటే అది తన చుట్టూ ఉన్న పరిసరాలను గుర్తించ గలగాలి. అంటే దానికి చూపు ఉండాలి. చూపు కావాలంటే దానికి జ్ఞానేంద్రియాలు అవసరం. ఎస్‌ ఆ జ్ఞానేంద్రియాలను సాంకేతిక బాషలో సెన్సర్‌లు అంటరు. రోబోకు ఎటువంటి సెన్సర్‌లు అమర్చిన్రో , వీటి ద్వారా అవి వస్తువులను ఎలా గుర్తుపడతయో ఒక్కసారి చూద్దాం.
స్పాట్
స్పాన్ఫర్డ్ యూనివర్సిటీలో రోబో పై ఎక్కువగా పరిశోధనలు జరుగుతయి. ఇదిగో ఇక్కడ ఒక రోబో తన సెన్సర్‌ ల సాయంతో ఆబ్జెక్ట్లను ఎలా గుర్తించగలుగుతుందో చూద్దాం.( చిన్న స్పాట్) రోబో చేయి చివరన ఒక హై రెజల్యూషన్‌ కెమేరాను అమర్చిన్రు. ఈ కెమెరా లేజర్‌ సాయంతో తన ముందున్న అన్ని రకాల వస్తువులను స్కాన్‌ చేస్తది. స్కాన్‌ రిపోర్ట్ ను రోబోకు అమర్చి ఉన్న కంప్యూటర్‌ ఎనలైజ్‌ చేస్తది. అప్పటికే ఆ కంప్యూటర్‌ లో మన నిత్యజీవితంలో ఉపయోగించే, తటస్తపడే వివిధ రకాల వస్తువుల, జంతువుల, పరిసరాల బొమ్మలు ఉంటయి. వాటికి సంబందించిన వివిధ రకాలు కూడా ఇందులో పొందుపరచబడి ఉంటయి. అంటే కంప్యూటర్‌ లో కొన్న మిలియన్‌ రకాల ఇమేజ్‌లు అప్పటికే ప్రోగ్రామింగ్‌కు లింక్‌ చేయబడి ఉంటయి. రోబో తన కెమేరా ద్వారా స్కాన్ చేసిన ఇమేజెస్ ను కంప్యూటర్‌ స్కాన్‌ చేసి ఒక్కో ఇమేజ్‌ పేరేంటో తెలుపుతుంది. దాన్ని బట్టి ఆ రోబో ఏ కమాండ్‌ను ఫాలో కావాలో డిసైడ్ చేసుకుంటది.
స్పాట్
ఇక్కడ పరిశోధకులు మొదట ఒక కాఫీ మగ్‌ను చేతికి అందించమని రోబోకు ఆదేశాలు జారీ చేసిన్రు. ముందుగా అది అక్కడున్న పరిసరాలను స్కాన్‌ చేసింది. అప్పుడు కంప్యూటర్‌లో ఇదిగో ఇలా బ్లాక్‌ అండ్‌ వైట్‌లో స్కాన్‌ అవుతుంది. తరువాత వీటిలో కాఫీ మగ్‌ ఆకారంలో ఉన్న తన ఇమేజెస్‌కు పోలిన వస్తువేదైనా ఉన్నదా అన్న అంశాన్ని బూట్‌ చేసుకుంటది. అప్పటికే తనలో ఉన్న ఇమేజెస్‌ తో కంపేర్‌ చేసి కాఫీ మగ్ దగ్గర ఆగుతుంది. అంతే కాదు కాఫీ మగ్‌ను కాచ్‌ చేసేముంది దాన్ని ఓవరాల్‌గా మరోసారి స్కాన్‌ చేసుకుంటది. అయితే ఇదంతా కేవలం సెకన్ల వ్యవధిలో జరిగే ప్రాసెస్ మాత్రమే.
స్పాట్ (రోబో గ్రాఫిక్స్ విజువల్స్)
యాంకర్ 5
రోబోలు అంటే సినిమాలో చూపించినట్టుగా మనుషుల్లో ప్రవర్తించవు.. ఒక ఎలక్ర్టానిక్‌ మిషన్‌ను మానవాకారంలో మలిచి వాటి కదలికలకు తగిన ప్రోగ్రాం ఫిక్స్ చేసి ఆటోమూవబుల్ సిస్టం ఏర్పాటు చేస్తరు. ఎదుటి వారు వేసిన క్వచ్చన్ కేవలం కమాండ్‌ రూపంలోనే ఉండాలి. యూసర్ అడిగే కమాండ్ వాయిస్‌ తిరిగి డాటా రూపంలో డీకోడ్‌ అవుతుంది. దానికి తగ్గ సమాధానం పరిస్థితులను బట్టి కంప్యూటర్‌ రెస్పాండ్‌ అవుతది. ఆ క్వచ్చన్‌ తిరిగి వాయిస్ కన్వర్టర్ సాఫ్ట్ వేర్ సాయంతో మనకు స్పీకర్స్ ద్వారా వినిపిస్తుంది. ఇదంతా కేవలం సెకన్ల వ్యవధిలోనే జరుగుతుంది. చూడ్డానికి ఎదురెదురుగా నిల్లోని మాట్లాడుకున్నట్టుంటది.
స్పాట్( ఐ రోబో మూవీ సీన్)
రోబోలు స్వయంగా ఆలోచించలేవు. ప్రోగ్రామర్‌ ఫిక్స్ చేసిన దానికే కట్టుబడి ఉంటయి. అంతకు మించి ఒక్క కమాండ్‌ను కూడా ఫాలో కావడం చాలా కష్టం. ఎందుకంటే అది జీవి కాదు. కేవలం టెరాబైట్‌ల మెమరీ ఆఫ్‌ కమాండ్స్ అండ్‌ ఇమేజెస్. ఇదే శాస్ర్తవేత్తలకు పెద్ద చిక్కు తెచ్చిపెట్టింది. ఉదా హరణకు మనం రోడ్డు పై నడుచుకుంటూ వెళుతుంటే ఎవరైనా అడ్డుతగలవచ్చు లేదా రోడ్డు పై ఎగుడుదిగుళ్లు గతుకులు రావచ్చు. మనం వాటిని బట్టి నడుచుకుంటూ వెళతం. కానీ మిషన్‌కు అవేమీ తెలియదు. పసిగట్టలేదు కూడా. అలా పసిగట్టగలిగే జ్ఞానాన్ని కామన్‌ సెన్స్ అంటరు. ఈ కామన్‌సెన్స్ ను రోబోకు అందివ్వ్డడానికి శాస్ర్తవేత్తలు ప్రయత్నిస్తున్నరు.
స్పాట్
ఒక జీవరహిత యంత్రానికి కామన్‌ సెన్స్ కలిగించడమంటే మాటలు కాదు. ఎందుకంటే మెదడున్న జంతువులకే కామన్ సెన్స్ కష్టం అటువంటిది ఒక మిషన్‌ కు కామన్‌ సెన్స్ అంటే మాటలు కాదు. ఎందుకంటే కామన్‌ సెన్స్ అంటే మెదడు పూర్తిగా అభివృద్ది చెంది ఉండాలి. ఉదాహరణకు మానవ మెదడును విశ్లేషిస్తే దాంట్లో కొన్ని మిలియన్‌ల న్యూరాన్‌లు ఉంటయి. ప్రతి న్యూరాన్‌లో మెమరీ పవర్‌ ఉంటుంది. అంతేకాదు ఈ న్యూరాన్‌లు శరీరంలో వార్తా వాహక క్రియను నిర్వహిస్తయి. మామూలుగా ఈ పనిని కంప్యూటర్‌లో చిన్న చిన్న సిలికాన్‌ చిప్‌లు చేస్తయి. అయితే అవి కేవలం యూసర్‌ ఇచ్చిన వాటిని ప్రోగ్రాంలో ఉన్నట్టు మాత్రమే ఎగ్జిక్యూట్ చేయగలవు. అంతకు మించి వాటితో ఇంకేమీ చేయలేము. కానీ ఇప్పడు మన శాస్ర్తవేత్తల ఆలోచన ప్రకారం రోబోలో ఉన్న కంప్యూటర్ పరిస్థితులను బట్టి దాని ప్రోగ్రామింగ్‌ అది మార్చుకోవాలి. అంటే ఆ రోజు వరకు జరిగిన వివిధ సంఘటనలు రికార్డు చేసి ఆ అనుభవాలను తన పాత డేటాకు కలుపుకోవాలి. మళ్లీ అటువంటి సంఘటనలు ఎదురైతే గతంలో ప్రవర్తించిన విధంగా ప్రవర్తించాలనేది సూత్రం.
స్పాట్
యాంకర్ 6
రోబోను మనిషిలా అలోచించేలా చేయాలను కోవడం అత్యాశే కావచ్చు. ఎందుకంటే రోబో అనేది కేవలం ఒక ఫిక్స్ డ్ ప్రోగ్రాం చేయబడిన కదిలే కంప్యూటర్‌. దానికదే ఆలోచించుకోవడం అనేది సాధ్యంకాని పని ఒక వేళ అలాగానీ జరిగిందంటే ఇక అప్పడు రోబోలు మానవాతీత శక్తలుగా మారినా ఆశ్చర్యంలేదు. ఇంగ్లీష్‌ ఫిక్షన్‌ మూవీలో లాగా తిరిగి మనుషులపైనే యుద్దం ప్రకటించినా ఆశ్చర్యపోనక్కర్లేదు. ఇప్పటకే ఈ అంశం పై బోలెడన్ని సినిమాలు వచ్చినయి.
( ఐ రాబాట్ మూవీ విజువల్స్ స్పాట్)
రోబోట్‌ అనేది కేవలం యంత్రం. సాఫ్టవేర్ ప్రకారం కమాండ్‌ను నడుచుకునే యంత్రం. దీని నిండా సెన్సర్‌లు నింపబడి ఉంటయి. ఆ సెన్సర్లు కాప్చర్ చేసిన విజవల్‌ బట్టి కమాండ్స్ రన్ అవుతూ ఉంటయి. కమాండ్‌ ను బట్టి రోబో మూవ్ అవుతూ ఉంటది. ఇంతకు ముందు రోబోలకు ఒక సాంకేతిక సమస్య అని చెప్పుకున్నం. దారి వెంట నడిచే టపుడు ఏవైనా అడ్డు రావచ్చు, లేదా గతుకుల రోడ్డు ఉండొచ్చు. ఆ సమస్యను రోబో ఎలా అధిగమిస్తుందని. కానీ ఇక్కడ ఒక శాస్ర్తవేత్త ఆ సమస్యను ఎలా అధిగమించిండో చూడొచ్చు.
స్పాట్( చిన్న ట్రాలీ లా ఉండే రోబో )
ఇక్కడ మనకు కనిపించే చిన్న ట్రాలీ లాంటి రోబో రోడ్డు పై నడక సమస్యను ఎలా అధిగమించిందో చూద్దాం.. ముందుగా రోబో హెడ్ పార్ట్ లో నాలుగు కెమరాలు ఫిక్స్ చేసిన్రు. ఇది రోబో కదిలేటపుడు వీడియో రికార్డ్ చేస్తది. ఆ విజువల్స్ ఎప్పటికపుడు కంప్యూటర్‌లో ఉన్న ఇమేజెస్ తో కంపేర్‌ చేసుకుంటూ ఉంటయి. కమాండ్‌ను బట్టి అవి ఫాలో అవుతుంటది. చూడండి ఇక్కడ పరిశోధకులు చూట్టూ డబ్బాలు విసిరి మద్యలో రోబోను విడిచారు. అది వాటి మద్యలోంచి దేన్నీ ఢీ కొనకుండా డైరెక్ట్ గా ఒక డ్రైవర్‌ నడిపినట్టు వెళ్లింది.
స్పాట్
ఇప్పటి వరకు మనం చూసింది 20 వ శతాబ్దంలో ఉన్న రోబోలను మాత్రమే.. ఇప్పడున్న రోబోల ఆధునిక సాంకేతక పరిజ్ఞానం అద్భుతమైనది. నిజానికి ఇవి వాటంతట అవే ఆలోచించి పనిచేస్తున్నయా అన్నంత భ్రమకలుగుతది. ఇవి ఇప్పడు మొడ్రన్ గా తయారయ్యే రోబోలు వాటంతట అవే మూవ్‌ కాగలవు.అంతేకాకుండా మార్గాన్ని బట్టి వాటి కదలికలను మార్చుకోగలవు. అప్పటికపుడు తమ రూపాన్ని పూర్తిగా మార్చగలవు. ఇదిగో ఇక్కడ చైన్‌ లా ఉన్న రోబో చూడండి ఎన్ని విన్యాసాలు చేస్తుందో. ఇది అప్పటికపుడు కాటర్‌ పిల్లర్ లా నడవగలదు. తాళ్లపై పాకగలదు. అంతేకాదు అప్పటి కపుడు తన రూపాన్ని మార్చుకొని పాములా మారి ఇరుకైన దారిగుండా వెళ్లగలదు.
స్పాట్
చూశారా అచ్చం ఇటువంటి కాన్సెప్ట్ తోనే శంకర్‌ రోబో సినిమా తీసిండు. ఈ సినిమా క్లైమాక్స్ ఫైట్‌ లో అవి అప్పటికపుడు తమ రూపాన్ని మార్చుకొని, వాటి లక్షణాలను కూడా మార్చుకొని రోబోలు తమ పని చేసుకొని వెళ్లి పోతయి.
స్పాట్ (ఫైటింగ్‌ సీన్0
ఇప్పుడు మనం చూసిన ఈ రోబోలను హ్యూమనాయిడ్‌ రోబోలు అని పిలుస్తరు. అంటే మానవుణ్ని పోలి, అచ్చం మానవుడేనా అని భ్రమ కలుగ జేసే రోబోలన్నమాట. వీటిని చూసి సడెన్‌ గా మనిషి అని అనుకున్నా ఆశ్చర్యపోవలసిన అవసరం లేదు. ఇందులో ఆండ్రాయిడ్‌ రోబో, గైనాయిడ్‌ రోబోలని రెండు రకాలు ఉన్నయి. యాండ్రాయిడ్‌ రోబో అంటే రోబో పురుషుడి అవతారంలో ఉంటది. గైనాయిడ్‌ రోబో స్ర్తీని పోలి ఉంటది.
స్పాట్ (హ్యూమనాయిడ్‌ రోబో విజువల్స్)
భవిష్యత్తులో సాంకేతిక పరిజ్ఞానం మరింత డెవలప్‌ అయి మరింత మంచిరోబోలు అందుబాటులోకి వచ్చి కష్ఠమైన పనులన్నిటినీ సులభంగా రోబోలతో చేయించుకోవలని ఆశపడుతున్నరు పరిశోధకులు. అయితే వీరు తయారు చేసే రోబోలు మానవ కళ్యాణానికా లేక వినాశనానికా అనేది శాస్ర్తంతో బాటు కాలమే నిర్ణయించాలి.
స్పాట్
ఎండ్‌ యాంకర్
ఇవీ ఈ వారం సైన్స్ విశేషాలు. వచ్చేవారం మరిన్ని సైంటిఫిక్‌ అప్‌డేట్స్‌ తో మళ్లీ కలుసుకుందా.. అంటిల్‌ దెన్‌ బైబై ది సీజ్‌ యువర్స్ శోభన్ సైనింగ్‌ ఆఫ్..
బ్రేక్‌లు.