ది సైన్స్ ఎపిసోడ్ ముప్పై మూడు

ఇంట్రో యాంకర్
విశ్వరహస్యాలను విప్పి చెప్పే ది సైన్స్ అల్టిమేట్ నాలెడ్జ్ కు స్వాగతం.
బ్యాంగ్
యాంకర్ 1
ఫ్లైయింగ్ సాసర్..ఈ పదం మనలో చాలా మంది వినే ఉంటరు. ఇది కొత్త పదమేమీ కాదు. ఎందుకంటే గత దశాబ్దకాలంగా ఏలియన్స్ గురించి ఏ చిన్న కథనం వచ్చినా ముందు ఫ్లైయింగ్ సాసర్ గురించే చెప్పుకుంటం. ఏలియన్స్ వాహనాలు సాసర్లు. సాసర్ ను పోలి ఉండే ఫ్లైయింగ్ వెహికిల్స్ చాలా స్పీడ్ గా దూసుకు పోగలవని ఒక నమ్మకం. ఇంతకీ ఫ్లైయింగ్ సాసర్ ను చూసింది లేనిదీ పూర్తిగా ఆధారాలు లేకున్నా.. కేవలం ఊహాగానాలే అయినా..అటువంటి సాసర్నుమనమే ఎందుకు తయారు చేయకూడదనే ఆలోచన వచ్చింది శాస్ర్తవేత్తలకు..ఇంకేం ప్రయత్నం మొదలు పెట్టారు.
స్పాట్
ఇది సాంకేతిక యుగం.. సృష్టికి ప్రతి సృష్టి దిశగా ఆలోచనలు సాగుతున్న యుగం. అంతేకాదు సృష్టి మొత్తాన్ని మానవుడు తన గుప్పిట్లో పెట్టుకోవాలని ఆరాట పడుతున్న కాలం. కానీ ఇంతకంటే ముందే.. ఈ సాంకేతిక యుగం ప్రారంభం కావడానికి ముందే ఎన్నో వేల ఏండ్లకిందట ఈ భూమి పై అత్యంత ఆధునిక సాంకేతిక పరిజ్ఞానం పరిఢవిల్లిందని చరిత్రకారుల విశ్లేషణ. కానీ అదంతా మాయన్ నాగరికతలోనే విలసిల్లిందని, కాలగర్భంలో కలిసిపోయిందనే వాదనలు బలంగా ఉన్నయి. కానీ ఇది నిజం కాదని.. గ్రహాంతర వాసులు భూమి పై ఉన్న వ్యక్తులతో సంబంధాలు పెట్టుకొని కొన్ని సాంకేతిక అంశాలు నేర్పిన్రని అవే నేటి మన సాంకేతికతకు మూలాలనే వాదన కూడా లేకపోలేదు. ఏలియన్స్ ఉన్నయో లేవో మనకు పూర్తిగా తెలియదు. ఇప్పటి వరకు కేవలం ఊహాగానాలే ప్రచారంలో ఉన్నయి. నిజమైన ఏలియన్స్ ను చూసినవారు లేరనే చెప్పాలి. ఇంటర్నెట్ లో షికారు చేస్తున్న పుకార్లను నిజమని నమ్మలేం.
స్పాట్
ఏలియన్స్ ఉన్నయా లేవా అన్న విషయం పెద్ద సబ్జెక్ట్. ఆ విషయాన్ని పక్కన బెడితే. వారు వాడుతున్నట్టు చెప్పుకునే ఫ్లైయింగ్ సాసర్ అనే అంతరిక్ష వాహనం పై శాస్ర్తవేత్తల దృష్టి పడింది. ఈ ఊహాగానాలలో ఎంతో సాంకేతికత ఉంది. వస్తున్న పుకార్లకు వాస్తవ సాంకేతికతకు ఒక రకమైన సారూప్యం ఉంది. ఫ్లైయింగ్ సాసర్ నిర్మాణం ప్రకారం కేవలం తక్కువ ఇందనంతో లేదా అసలు ఇంధనం అవసరం లేకుండా కోటాను కోట్ల కిలోమీటర్లు అతితక్కువ సమయంలో అంటే రెప్పపాటు వేగంలో కాంతి కంటే వేగంగా పయనించే అవకాశంఉన్న ఒకే ఒకే వాహనం ఫ్లైయింగ్ సాసర్.
స్పాట్
ఇప్పటి వరకు మనం తయారు చేసిన జెట్ విమానాలు, రాకెట్ల వంటివన్నీ కేవలం భూమ్యాకర్షణ సూత్రాలకు లోబడి పనిచేసేవే. కానీ ఫ్లైయింగ్ సాసర్ అనేది వీటన్నిటికీ అతీతం. ఇది పూర్తిగా కొన్ని సెకన్లలో సూర్యకుటుంబాన్ని దాటి వెళ్లగలదు. ఇప్పటి వరకు ఫ్లైయింగ్ సాసర్ అనేది అల్టిమేట్ గా సైన్స్ ఫిక్షన్ వెహికిల్ మాత్రమే. ఆ ఫిక్షన్ నేడు శాస్ర్తవేత్తలు ఫిక్స్ చేయాలని చూస్తున్నరు.
స్పాట్
నేటి ఆధునికి సాంకేతిక యుగంలో అందుబాటులోకి వచ్చిన ఎరోడైనమిక్స్, థర్మోడైనమిక్స్, సూత్రాలతో సాధ్యపడనిదంటూ ఏదీలేదు. అందుకే అసలు ఈ స్పేస్ షిప్ను మనమే తయారు చేస్తే పోతుందని భావించారు. శాస్ర్తవేత్తలు. అయితే దీని కోసం సాసర్ ను చూశామని చెబుతున్న కొద్ది మంది అభిప్రాయాలు సేకరించిన్రు. వారిలో కొందరు అది డిస్క్ మాదిరిగా ఉందని కొందరు, చక్రం మాదిరిగా ఉందని కొందరు తెలిపిన్రు. కొందరు అందులోంచి కొంత కాంతి రిలీజ్ అయి దాని పరిధిలో ఉన్న జంతువులను మాయం చేస్తుందని చెప్పిన్రు.
స్పాట్
యాంకర్ 2
ఇప్పటి వరకు మనం ఎన్నో సైన్స్ ఫిక్షన్ సినిమాలలో ఫ్లైయింగ్ సాసర్ లు చూశాం.. మన విమానాలకంటే ఇవి ఎంతో భిన్నంగా ఉంటయి. పక్కన వచ్చి వాలినా గుర్తు పట్టలేనంత నెమ్మదిగా నిశ్శబ్దంగా ఉంటయి. ఎన్నో వేల రెట్లకాంతితో వేగంగా పయనిస్తయి. మన విమానాల కంటే వాటిమీద ప్రయాణమే ఎంతో బాగుంటుందనే ఆశకూడా ఆధునిక మానవుడికి లేకపోలేదు. అందుకే దాని కోసమే నిరంతర అన్వేషణ.
స్పాట్
ఇప్పడు శాస్ర్తవేత్తలు తయారు చేసే ఫ్లైయింగ్ సాసర్ మునుపెన్నడూ లేని విధంగా అనేక లక్షణాలు కలిగిఉండాలని పరిశోధకుల ఆశ. వాటిలో కాలుష్యరహిత వాహనమై ఉండాలనేది మొదటిది సూత్రం. దశాబ్ద కాలం కిందటి వరకు సినీ దర్శకులు, కామిక్ రైటర్స్ అందరూ ఫ్లైయింగ్ సాసర్ను రకరకాల రూపాల్లో వర్ణించిన్రు. వాళ్లు కాకతాళీయంగా వర్ణించినప్పటికీ అందులో ఎన్నో థర్మో డైనమిక్ సూత్రాలు పొందు పరచబడి ఉన్నయి. కానీ అందులోనే కొన్ని సమస్యలు కూడా ఉన్నయి. ఫ్లైయింగ్ సాసర్ కు ఎటువంటి రెక్కలు ఉండవు. గాలిలో ఎగిరే పక్షులకు గానీ మనం ఇప్పుడు చూస్తున్న విమానాలకు గానీ రెక్కలు తప్పని సరి. పక్షుల రెక్కలు కదిలినపుడు వాటి రెక్కల కింద అల్పపీడనం ఏర్పడి అవి పైకి ఎగరగలుగుతయి. కానీ మనం గాలిలోకి విసిరే డిస్క్లకు రెక్కలు ఉండకున్నా..అవి గాలిలో వేగంగా ఎగురుతూ దూరంగా వెళ్లగలవు. క్రీడాకారులు ఆడే డిస్క్ థ్రో ఆటలల్లో మనం ఇది నిత్య గమనించేదే.
స్పాట్
డిస్క్ ప్లేట్కు రెక్కలు లేకుండా ఎలా గాలిలో ఎగరగలుగుతుంది..ఒక ప్రయోగం చేసిన్రు శాస్ర్తవేత్తలు. ఒక డిస్క్ ను ప్రయోగశాలలో ఫిక్స్ చేసి దానిపై ఆవిరిని బలంగా ప్రయోగించి డిస్క్ ను వేగంగా తిరిగేలా చేసిన్రు. ఈ కదలికలను, అది వేగంగా తిరిగేటపుడు దాని చుట్టూ ఉన్న వాతావరణాన్ని కంప్యూటర్ సాయంతో అంచనా వేసిన్రు. ప్రయోగం తరువాత ఫలితాలను విశ్లేషించిన శాస్ర్తవేత్తలకు ఆశ్చర్యకరమైన నిజాలు తెలిసినయి. వేగంగా తిరిగే డిస్క్ కింద ఎర్రని రంగులో అత్యధిక వాయు పీడనం ఉన్నట్టు కంప్యూటర్ చూపించింది. అదేవిధంగా డిస్క్ పైబాగంలో చాలా తేలికైన వాయు పీడనం ఉన్నట్టు కంప్యూటర్ విశ్లేషించింది.
స్పాట్
యస్. శాస్ర్తవేత్తల ప్రయోగ ఫలితాలు ఎంతో స్పూర్తినిచ్చినయి. రెక్కలు లేకుండా విమానాన్ని తయారు చేయవచ్చన్న విషయం రుజువయింది. కాస్త పుటాకారంగా ఉన్న డిస్క్ థౌసండ్ రెజల్యూషన్ ఫర్ మినిట్ వేగంతో తయారు చేసేందుకు సిద్దమయిన్రు.
స్పాట్
యాంకర్ 3
అవును మనం నిత్యం ప్లేగ్రౌండ్లో టెన్నికాయిడ్, డిస్క్ థ్రోలను చూస్తూనే ఉంటం. ఇవి అచ్చు సాసర్ ల ఆకారాన్ని పోలి ఉంటయి. ఒక చిన్న విసురుకే గాలిలో చక్కర్లు కొడుతూ వేగంగా వెళ్లగలుగుతయి. ఈ గుండ్రటి ప్లేట్లకు అంతటి శక్తి ఎక్కడిది. అసలు డిస్క్ రొటేల్ కావడం వల్ల కొత్త శక్తి ఏమైనా జెనరేట్ అవుతదా అన్న విషయంలో శాస్ర్తవేత్తలకు ఒక క్లారిటీ వచ్చింది. డిస్క్ ల కింది బాగంలో అధిక పీడనం ఉండటం వల్లనే అవి గాలిలోకి ఎగరగలుగుతున్నయనే విషయాన్ని తెలుసుకున్నరు. ఇక సాసర్ ను తయారు చేయడమే తరువాయి. కానీ ఇంజన్ ఎలా..చూడండి..
స్పాట్
ఇప్పటి వరకు మనం చూసిన దాంట్లో కేవలం ఫ్లైయింగ్ సాసర్ ఆకారం పైనే ప్రయోగాలు జరిగినయి. ఈ ఆకారం స్పేస్ షిప్ కు పనికి వస్తదా లేదా అన్న కోణంలోనే సక్సెస్ అయిన్రు. కానీ దీన్ని ఎలా తయారు చేయాలన్న విషయం, దీనికి ఇందనంగా ఏది వాడాలన్న విషయంఇంకా మిగిలే ఉంది. దాని కోసమే ఈ ప్రయోగం.
స్పాట్( ఐరన్ పొక్లైన్ అయస్కాంతం విజువల్స్)
ఇక్కడ మనకు కనిపిస్తున్న ఈ ఇనుప సామాగ్రి మొత్తం క్రషింగ్ చేసిన వ్యర్ధపదార్ధాలు. ఇవి ఐరన్ ఫాక్టరీకి తరలించడానికి సిద్దంగా ఉన్నయి. వీటిని లోడ్ చేయాలంటే వందలాది మంది కార్మికులు కావాలి. పొక్లెయిన్ ఎత్తాలన్నా ఎంతో ఇందనం కావాలి. కానీ కేవలం చిన్న ట్రిక్ తో శాస్ర్తవేత్తలు ఈ సమస్యను అధిగమించిన్రు. హిటాచి చివారి బాగంలో ఒక ఎలక్ర్టో మాగ్నటిక్ ప్లేట్ ను అమర్చిన్రు. ఈ మాగ్నటిక్ ప్లేట్ లోకి కరెంట్ పాస్ చేసినపుడు అది అయస్కాంతంలా ప్రవర్తిస్తుంది. తిరిగి కరెంట్ తీసేయగానే మామూలు ఉక్కు ప్లేట్లా మారిపోతది. దీనికి ఏ ఇంధనం అవసరం లేదు. ఇది కేవలం ప్రకృతి ప్రసాదించిన కృత్రిమ అయస్కాంత సూత్రం. చూడండి ఆపరేటర్ బటన్ నొక్కగానే ఆ స్టీల్ ప్లేట్ మాగ్నెట్ లా మారింది. వెంటనే ఈ ఐరన్ రఫ్ అంతా దానికి చిక్కుకుంది. ఒక్క దఫాకు 28వేల పౌండ్ల మెటల్ ను ఒకేసారి ఎత్తగలం. అయస్కాంత శక్తి కండర శక్తి కంటే ఎన్నో వేల రెట్టు బలమైనది.
స్పాట్
అయస్కాంతం సృష్టిలో ఒక వింత పదార్ధం. ఇప్పటి వరకు దీని లక్షణాలు మాత్రమే గుర్తించ గలిగిన్రు కానీ దీనికి అయస్కాంత లక్షణాలు ఎందుకు వచ్చినయో శాస్ర్తవేత్తలు కూడా తేల్చి చెప్పలేక పోయిన్రు. అసలు అయస్కాంతంలో దాగిన సూత్రాలేంటో తెలుసుకుందాం. ఎందుకంటే ఇప్పుడు మనం చూడ బోయే ఫ్లైయింగ్ సాసర్ను నడిపే ఇంధనం ఇదే..
స్పాట్
అయస్కాంతం..ఇది వివిధ రూపలలో ఉంటుంది. ఎక్కువ శాతం ప్రయోగ శాలలలో దండాయస్కాంతాలనే వాడుతరు. ప్రతి అయస్కాంతానికి ఉత్తర దక్షిణ ధృవాలు ఉంటయి. వీటిని ఆవరించి మనకు కనిపించని ఒక అయస్కాంత క్షేత్రం ఉంటది. ఇది ఉత్తర దక్షణ దృవాల మద్య ప్రవహించినట్టుగా ఉంటది. అయస్కాంతానికి ఒక విశిష్ట లక్షణం ఉంది. విజాతి దృవాలు ఆకర్షించుకుంటయి. సజాతి దృవాలు వికర్షించుకుంటయి. అంటే ఒక నార్త్ పోల్ మరో సౌత్ పోల్ లో ఆకర్షించుకుంటది. కానీ ఒక సౌత్ పోల్ దగ్గరకు మరో సౌత్ పోల్ ను తీసుకొస్తే మాత్రం వికర్షించుకుంటది. యస్. ..అచ్చు ఇదే సూత్రంతో ఫ్లైయింగ్ సాసర్ను తయారు చేసేందుకు సిద్దమయిన్రు శాస్ర్తవేత్తలు.
స్పాట్ (సూపర్ కండక్టర్ విజవల్స్) డౌన్ లోడ్ చిన్న క్లిప్పింగ్లు వాడుకోవాలి.
ఒక చిన్న ఫార్ములా..థర్మోడైనమిక్స్ సూత్రాలను అవపోసన పట్టిన ఒక భౌతికశాస్ర్తవేత్త చేసే చిన్న ప్రయోగమిది. ఒక పెట్రి డిష్లో ద్రవీకరించిన నత్రజని ద్రావణాన్ని పోసిండు. ఇప్పుడు దీని మధ్యలో ఉన్న ఒక గుండ్రని ప్లేట్ పై మాగ్నటిక్ క్యబ్ను వదిలిండు. ఆ క్యూబ్ను జాగ్రత్తగా పరిశీలించండి. అది అటు బ్లాక్ డిస్క్ ను ఆనుకోకుండా గాలిలో తేలుతోంది. దాన్ని కదిలిస్తే చుట్టూ తిరుగుతుందే తప్ప ప్లేట్ కు తాకడం లేదు. ఇంతకీ కింద ఉన్న ఆ నల్లని ప్లేట్ ఏమై ఉంటుంది..యస్. దాని పేరే సూపర్ కండక్టర్, మానవ నాగరికతలో విద్యుదయస్కాంత సూత్రాలు పెట్టిన బిక్షే సూపర్ కండక్టర్. కాల్షియం, బేరియం, కాపర్ ఆక్సైడ్ లేదా ఇంట్రియా బేరియం కాపర్ ఆక్సైడ్ వంటి పదార్ధాన్ని మైనస్ 183 డిగ్రీల ద్రవ నైట్రోజన్ ఉపయోగించి చల్లబరిచినట్టైతే అది సూపర్ కండక్టర్ గా మారుతుంది.
స్పాట్(సూపర్ కండక్టర్ విజవల్స్) డౌన్ లోడ్ చిన్న క్లిప్పింగ్లు వాడుకోవాలి.
యాంకర్ 4
సూపర్ కండక్టర్.. ఇది భౌతిక శాస్ర్తవేత్తల పాలిటి వరం అని చెప్పొచ్చు. సూపర్ కండక్టర్ సాయంతో భూమ్యాకర్షణ శక్తినే నిర్వీర్యం చేయోచ్చంటే దాని పవరేంటో అర్ధం చేసుకోవచ్చు. కానీ ఈ సూపర్ కండక్టర్లను భూమి నిండా పరచగలమా.. లేక భూమినే ఒక సూపర్ కండక్టర్గా మార్చగలమా..ఇదీ ఆధునిక శాస్ర్తవేత్తల ముందున్న సమాలు.
స్పాట్
ఈ సూపర్ కండక్టర్ కున్న ఒక ప్రత్యేకతే నేటి భౌతిక శాస్ర్తవేత్తలకు వరంగా మారింది. సూపర్ కండక్టర్ అయస్కాంతాన్ని వికర్షిస్తది. అంతేకాదు అయస్కాంతం తన అయస్కాంత క్షేత్రంలోనే ఒక కుషన్ పై తేలిన మాదిరిగా ఎగురుతుంది. భూమి పై ఏ ఆచ్చాదన లేకుండా ఎగరగలదు. ఈ విధానాన్ని శాస్ర్తవేత్తలు లెంటేషన్ అని పిలుస్తరు. ఇది చూడటానికి భూమ్యాకర్షణ శక్తిని అధిగమించినట్టు కనిపిస్తది. ఇదే సూత్రం ఇప్పుడు ఫ్లైయింగ్ సాసర్ కనుక్కోవడానికి మూల సూత్రంగా మారింది.
స్పాట్
సూపర్ కండక్టర్ తో ఒక ప్రయోగం చేసిన్రు శాస్ర్తవేత్తలు. ముందుగా ఒక ట్రాక్ తయారు చేసిన్రు. ఈ ట్రాక్ లో నిండా అక్కడక్కడా ఒక నిర్ధిష్ట దూరంలో సూపర్ కండక్టర్ లను అమర్చిన్రు. అదే సందర్భంలో సాసర్ అడుగు బాగాన పవర్ఫుల్ ఎలక్ర్టో మాగ్నట్లను అమర్చిన్రు. ఇప్పడు ఈ సాసర్ను సూపర్ కండక్టర్లు అమర్చిన ట్రాక్ పై వదిలిన్రు. అంతే సహజంగా సూపర్ కండక్టర్ పై మాగ్నట్ తేలి ఆడుతుందనే సూత్రంతో ఆ సాసర్ నేలను తాకకుండా ఒక కుషన్ మాదిరిగా కదులుతోంది. అయస్కాంత క్షేత్రంలో చేసే మార్పులను బట్టి ఈ సాసర్ తన దిశను మార్చుకుంటూ వేగంగా పయనిస్తోంది.
స్పాట్
సక్సెస్.. ఒక రకంగా నేలను తాకని..పొల్యూషన్ లేని…అత్యంత వేగంగా ప్రయాణించే నౌక సిద్దమైనట్టే..కానీ ఇక్కడ వచ్చిన సమస్యల్లా ట్రాక్ను అతి శీతల పరిస్థితుల్లో ఉంచగలగాలి. అంటే కనీసం మైనస్ రెండు వందల డిగ్రీల సెంటీగ్రెడ్ వద్ద ఉంచితేనే సూపర్ కండక్టర్లు పనిచేస్తయి. ఇలా చాలా కాలం ఉంచడం అనేది సాధ్యంకాని పని. అదే సందర్బంలో పొడవైన ట్రాక్ను అలా మెయింటెయిన్ చేయడం కూడా ఖర్చుతో కూడుకొన్న పని..ప్రయోగమైనే సక్సెస్ కానీ ఖర్చు తడిసి మొపెడవుతుంది. దీనికి ప్రత్యామ్నాయమే లేదా..చూద్దాం..
స్పాట్
గది ఉష్టోగ్రత వద్ద పనిచేయగల సూపర్ కండక్టర్ ను కనుగొన గలిగితే చాలు. పారిశ్రామిక విప్లవం కొత్ పుంతలు తొక్కుతది. అంతేకాదు కాలుష్యరహిత ప్రపంచం వచ్చేస్తది. మనుషులు కూడా సూపర్ కండక్టివిటీ బెల్ట్ తగిలించుకుంటే చాలు గాలిలో సూపర్ మెన్ లా ఎగరొచ్చు.
యాంకర్ 5
సూపర్ కండక్టర్ తక్కువ ఖర్చుతో దొరికితే బావుండని అందరు శాస్ర్తవేత్తలు ఆశపడేదే..కానీ సాధ్యపడే దేనా..కాదు. ఎందుకంటే సూపర్ కండక్టర్ మెయిన్టెనెన్స్ సాధ్యం కాని పని. దీనికి ప్రత్యామ్నాయంగా అంతే శక్తి గల ఇంకేదో శక్తి కావాలి. అది సృష్టిలో తప్పకుండా ఉండి తీరుతుంది. అవే లక్షణాలుండి అంతకన్నా తక్కువ ఖర్చుతో ఉంటే శక్తి ఉండే ఉంటుంది. దానికోసమే సైంటిస్టుల అన్వేషణ..
స్పాట్
సైన్స్ ఫిక్షన్ సినిమాలను బట్టి ఫ్లైయింగ్ సాసర్ అనేది ఏలియన్స్ వాహనం. ఇందులో ఏముందో..ఏ టెక్నాలజీ ఉపయోగించిన్రో ఎవరికీ తెలయదు. అభూత కల్పనలతో ఒక రూపాన్ని మాత్రం చెప్పగలిగిన్రు. ఆ రూపంతోనే శాస్ర్తవేత్తలు ఒక కొత్త ప్రయోగానికి శ్రీకారం చుట్టిన్రు. సూపర్ కండక్టివిటీ ట్రాక్లు వేయడం దుస్సాద్యం అని తేల్చేసిన శాస్ర్తవేత్తలు ..దానికి సమానమైన మరింకేదో శక్తికోసం అన్వేషించ సాగిన్రు. ఇదిగో ఇక్కడ యువశాస్ర్తవేత్తల బృందం చేసే ఒక అద్భుత ప్రయోగం రేపటి ఫ్లైయింగ్ సాసర్ కు దారులు వేస్తోంది.
స్పాట్
ఈ ప్రయోగంలో కేవలం ఇంట్లో వాడుకొని వస్తువులే ఉన్నయి. ఇక్కడ వెండిలా ధగధగా మెరుస్తున్న పొర అల్యూమనియం పొర. తరువాత కొన్ని అగ్గిపుల్లలు, మందపాటి కాపర్ తీగ వీటితో బాటు విద్యుత్ ఇవే ప్రయోగానికి ఉపయోగించిన సామాగ్రి. ఈ మూడింటిని ఒక క్రమ పద్దతిలో అమర్చి కాపర్ తీగల ద్వారా 30వేల వోల్టుల విద్యుత్ను ప్రసరింపజేసిన్రు. అంతే ఆశ్చర్యంగా ఆ సెట్ గాలిలోకి లేచింది.
స్పాట్
ఈ చిన్న ప్రయోగంలో పెద్ద సూత్రం ఉంది. ఇక్కడ కాపర్ వైర్లగుండా పంపించిన విద్యుత్ అత్యంత శక్తివంతమైనది. ఇది కాపర్ తీగల ద్వారా తన చుట్టూ ఉన్న గాలి అణువులను అయనీకరణం చేసింది. దాంతో చూట్టూ వాతావరణంలో ఉన్న అణువులలో ఉన్న ఎలక్ట్రాన్ లను విచ్ఛినం అవుతయి. విచ్చిన్నం అయిన ఎలక్రాన్లు తమ కింద పాజిటివ్ క్షేత్రాన్ని ఏర్పరచుకుంటయి. ఎప్పుడైతే చుట్టూ వాతా వరణం పాజిటివ్గా తయారయిందో అల్యూమినియం రేకుల్లో ఉండే ఎలక్రాన్ల చేత వికర్షించబడి సెట్ మొత్తం గాలిలోకి లేస్తది. విద్యుత్ ప్రవాహాన్ని ఆపగానే లిఫ్టర్ కిందకు దిగుతది.
స్పాట్( ఇక్కడ పాత ఎపిసోడ్ 29లో రాకెట్ విజువల్స్ వాడుకోగలరు.)
ఈ లిఫ్టర్ కూడా రాకెట్ సూత్రంతో పనిచేసింది. రాకెట్లో ఇందనం మండి ఇంజన్ ను పైకి నెడుతోంది. కానీ ఈ ఎలక్ర్టిక్ లిఫ్టర్లో అయాన్ లు బలంగా కిందికి నెట్టడం ద్వారా లిప్టర్ పైకి లేస్తుంది. ఈ ప్రయోగం దాదాపు సక్సెస్ అయిందనే అనుకున్నరు. కానీ ఇది చాలా చిన్న వ్యాసార్దంతో మాత్రమే పని చేస్తది. ఎక్కువ విద్యుత్ అవసరం. ఇది కూడా గాలిలో స్పార్క్ ల మాదిరిగా విడుదల కావాలి. వాతావరణంలో ఉన్న అణువులను నిత్యం అయనీకరణ చేస్తూ ముందుకు వెళ్లాలి. అంటే గాలిలో ఉన్న ప్లాస్మాలేయర్ నిత్యం వేడెక్కుతూ ఉంటది. అంతేకాదు ఏదైన సంధర్బంలో వాతా వరణం అనుకూలంగా లేనపుడు అంటే ఉరుములు మెరుపులు వస్తే అప్పడు సహజంగానే మెరుపులు వాతావరణాన్ని అయనీకరణం చేస్తయి. ఈ సందర్భంలో సాసర్ నేలకూలే అవకాశం ఉంది. ఇది ఆకాశంలో ఉన్నపుడు ఇలాజరిగితే పెద్దప్రమాదమే ఎదురు కావచ్చు. అందుకే ఈ ప్రయోగం కొద్దిగా రిస్క్ తో కూడుకున్నదిగా భావించిన్రు శాస్ర్తవేత్తలు.
స్పాట్
ఫ్లైయింగ్ సాసర్ ను తయారు చేద్దామని సంకల్సించినపడే శాస్ర్తవేత్తలు ఒక నిశ్చితాభిప్రాయానికి వచ్చిన్రు. తాము తయారు చేసే సాసర్ వాతావరణానికి హాని తలపెట్టకూడదు. తక్కువ ఖర్చుతో కూడినదై సహజవనరులతో నడపగలిగేదై ఉండాలి. అందుకే అటువంటి ప్రయత్నాలకోసం తిరిగి అన్వేషించడం మొదలుపెట్టిన్రు.
యాంకర్ 6
ఫ్లైయింగ్ సాసర్ తయారీ కోసం శాస్ర్తవేత్తలు చేసే ప్రయోగాలన్నీ గాలిలో కలుస్తున్నయా..లేదు అన్నీ సక్సేస్ అవుతున్నయి. కానీ చేసే పద్దతి వల్లనే ఇబ్బందులు ఎదురవుతున్నయి. అంటే ఊహలన్నీ నిజమవుతున్నయి కానీ ఖర్చు పెరుగుతోంది. తక్కువ ఖర్చుతో కాలుష్యరహిత వాహనాన్ని నిర్మించాలనుకున్న దారులన్నీ మూసుకు పోసాగినయి. కానీ ఆఖరుగా ఒక్క ప్రయోగం తో మళ్లీ కొత్త ఉత్సాహం నిండింది శాస్ర్తవేత్తల్లో ఏంటా ప్రయోగం.
స్పాట్
స్పాట్( మాగ్నెట్ ముక్కలు చేసే సీన్)( గ్లోబ్కు గాలి ఊదే సీన్)
ఈ భూగోళం మొత్తం ఒక అయస్కాంతం..దీని చుట్టూ మన కంటికి కనిపించని అయస్కాంత క్షేత్రాలు ఆవరించబడి ఉన్నయి. ఈ క్షేత్రాలు దక్షిణ దృవం నుంచి ఉత్తర దృవాన్ని కలిపినట్టుగా ఉంటయి. అంటే భూగోళం ఒక సూపర్ కండక్ట్ గా ఉపయోగించుకుంటే..ఈ భూమే పెద్ద ట్రాక్ గా వినియోగించుకోగలిగితే వేరే సూపర్ కండక్టర్ అవసరం లేదు. భూమధ్య రేఖ నుంచి దృవాల ఉత్తర దృవం వైపు వెళ్లాలనుకుంటే సౌత్ పోల్ను వాడుకోవచ్చు. ఎందుకంటే విజాతి దృవాలు ఆకర్షించుకుంటయి కనుక. సౌత్ పోల్ మాగ్నట్ నార్త్ పోల్ వైపు ఆకర్షించుకుంటది. అదే సందర్భంలో దక్షిణ దృవం వెళ్లాలంటే నార్త పోల్ను వాడుకోవచ్చు. కానీ ఇలా సౌత్ పోల్ నార్త్ఓ పోల్ అంటూ విడిగా ఉండవు. ఒకే అయస్కాంతంలో రెండు వైపులా సౌత్ అండ్ నార్గ్ పోల్స్ రెండూ ఉంటయి. ఒకే దృవం ఉండే అయస్కాంతాలను తయారు చేయడం కుదరదా..సైంటిఫిక్ బాషలో చెప్పాలంటే మోనోపోల్ మాగ్నట్ ను తయారు చేయడం సాధ్యం కాదా..చూద్దాం..
స్పాట్
ఇక్కడ శాస్ర్తవేత్త చేతిలో ఒక దండాయస్కాంతం ఉంది. దీనికి ఒక వైపు దక్షిణ దృవం మరోపక్క ఉత్తర దృవం ఉన్నయి. మనకు మోనో పోల్ అంటే ఒకే దృవం కావాలి..అందుకే ఈ శాస్ర్తవేత్త దీన్ని రెండుగా కట్ చేసిండు. విచిత్రం ఇది కూడా రెండు పోల్ కలిగి ఉంది. దీన్ని వందలు వేలు ముక్కలు చేసినా ప్రతి ముక్కా రెండు దృవాలను కలిగి ఉంటదనే విషయం రుజువయింది. ఆఖరుకు అణు పరిమాణానికి రంగరించినా ఆణువు కూడా రెండు దృవాలను కలిగి ఉంటదనే విషయం రుజువయింది. అంటే మోనోపోల్ అనేది సాధ్యంకాదని నిర్ణయించుకున్నరు శాస్ర్తవేత్తలు. అయస్కాంతానికి ఈ లక్షణం ఎందుకో ఇంతవరకూ శాస్ర్తవేత్తలకు కూడా అంతు చిక్కలేదు.
స్పాట్
ఈ అయస్కాంత సూత్రాల నుంచి కొత్త పాఠం నేర్చుకున్నరు శాస్ర్తవేత్తలు. మోనోపోల్ మాగ్నెట్ అనేది సృష్టిలో ఎక్కడో ఒక దగ్గర ఉండే ఉంటుంది. కానీ అది ఇప్పటికిపుడు దొరికే పని కాదు. అప్పటి వరకు ఒక కొత్త పద్దతిని కనుగొన్నరు శాస్ర్తవేత్తలు. ఫ్లైయింగ్ సాసర్ కు అడుగు బాగాన సౌత్ పోల్ను ఎగ్జిక్యూట్ చేసే మాగ్నట్, నార్గ్ పోల్ను ఎగ్జిక్యూట్ చేసే మాగ్నట్ లను బిగించిన్రు. వీటి చివర బాగాలను రూడార్ అనే పొరతో మరో పోల్ ప్రభావం చూపకుండా జాగ్రత్తలు తీసుకున్నరు. అంటే సాసర్ కిందవైపు నార్త్ పోల్ ఉన్న ఎలక్ర్టో మాగ్నట్ను యాక్టివేట్ చేసినపుడు ఆ మాగ్నట్కు మరో వైపున్న సౌత్ పోల్ పవర్ రుడర్ వలన నిర్వీర్యం అవుతది. అంటే ఇది ఆర్టిఫిషియల్ మోనోపోల్ మాగ్నట్ అన్నమాట. ఈ మోనో నార్త్పోల్ మాగ్నట్ భూగోళం సౌత్పోల్ వైపు లాగబడుతది. కొంతదూరం ప్రయాణించాక కేవలం సౌత్ పోల్ మాత్రమే యాక్టివేట్ అయే ఎలక్ర్టో మాగ్నట్లను యాక్టివేట్ చేస్తరు. దాంతో ఇంజన్ తిరిగి నార్తపోల్ వైపు మళ్లుతది.ఇలా సర్పచలనం ద్వారా ముందుకు అటూ ఇటూ పాకుతూ వేగంగా గాలిలో కదులుతుంది. ఇటువంటి జిగ్ జాగ్ కదలికలతో ఫ్లైయింగ్ సాసర్ గాలితో తేలుతుంది. ఇలా తేలే సాసర్ కేవలం భూమి పై మాత్రమే వెళ్లగలదు. ఎందుకంటే ఇది కేవలం అయస్కాంత క్షేత్ర ఆధారంగా పనిచేస్తది. భూ అయస్కాంత క్షేత్రాన్ని దాటితే ఇక అది పనిచేయనని మొరాయిస్తది. ఒక అయస్కాంత క్షేత్రం దాటితే అది మరో గ్రహక్షేత్రం ఉంటేనే ఇది పయనించగలదు.
స్పాట్
శాస్ర్తవేత్తల సిద్దాంతం ప్రకారం. ఒక సాసర్ థౌసండ్ రెజల్యూషన్ పర్ సెకండ్ వేగంతో తిరిగే సాసర్ కావాలి. దీనిలో అత్యధిక విద్యుత్ ను ప్రసరింప జేసి ఎలక్ర్టినిక్ అయాన్ ఫోర్స్ ద్వారా ఇది పైకి ఎగిరేలా చేస్తరు. ఎగిరిన సాసర్ను దృవాలవైపు మళ్లించడానికి సౌత్ అండ్ నార్త్ పోల్ ను ఆల్టర్నేట్ గా ఉపయోగిస్తూ జిగ్ జాగ్ పద్దతిలో ఖండాంతరాలను రెప్పపాటు వేగంతో చేరుకునే చేస్తరు. ఇదే మోడ్రన్ సాసర్. దీంట్లో ఏ ఎక్స్ ప్లోజర్స్ ఉండవు. పొల్యూషన్లు ఉండవు. సౌండ్ పొల్యూషన్ ఉండదు. పెద్ద ఖర్చుకూడా ఉండదు. కానీ ఇది కేవలం భూ వాతావరణానికే పరిమితం. శాస్ర్తవేత్తలకు విశ్వవ్యాప్తంగా పనిచేయగల సాసర్ కావాలి. దానికోసమే శాస్ర్తవేత్తల అన్వేషణ..అది కూడా సాధ్యమైనంత త్వరలో అందుబాటులోకి వస్తదని ఆశిద్దాం.
స్పాట్
ఎండ్ యాంకర్
ఇదీ ఇవాల్టి సైన్స్ ఎపిసోస్, మరిన్ని సైంటిఫిక్ అప్ డేట్స్ మళ్లీ వచ్చేవారం కలుసుకుందాం అంటిల్ దెన్ బైబై..దిసీజ్ శోభన్ సైనింగ్ ఆఫ్
బ్రేక్లు