ఎ.జనార్ధన్ y do virus kills us
ఇంట్రో యాంకర్
సృష్టి రహస్యాలను విప్పి చెప్పే ది సైన్స్ అల్టిమేట్ నాలెడ్జ్ కు స్వాగతం..
బ్యాంగ్
యాంకర్ 1
వైరస్.. ఈ పేరు చాలా మందికి పరిచయం ఉన్న పేరు.. వైరస్ చాలా చిన్న జీవి..ఒక్క మాట చెప్పాలంటే అసలు జీవి అనడానికి కూడా ఆధారాలేమీ లేని ఒక ద్రావణం.. వైరస్ గురించి చెప్పాలంటే ఇతిమిద్దంగా పెద్ద నిర్వచనాలేవీ లేవు. దీన్ని జీవులకు నిర్జీవులకు వారధిగా చెబుతరు. అంటే దీనికి జీవి లక్షణాలు కొన్ని నిర్జీవ లక్షణాలు కొన్ని ఉంటయి. ఇంత చిన్న జీవంటే మన కంటికి కూడా కనిపించని..కేవలం బ్యాక్టీరియాలో మాత్రమే కనిపించే బ్యాక్టీరియాలోనే కొన్ని మిలియన్ ల వైరస్ లు డెవలప్ అవుతున్నయంటే..వైరస్ ఎంత చిన్నగా ఉంటదో అర్ధం చేసుకోవచ్చు. ఇంత చిన్న వైరస్ ఇప్పుడు విశ్వనాశనానికే శ్రీకారం చుడుతుందంటే మీరు నమ్మగలరా..అవును ఒక వైరస్ ఇప్పుడు శాస్ర్తవేత్తలకే సవాలుగా మారింది.
స్పాట్
వాయిస్
వైరస్..ఎప్పటి నుంచో వింటున్న పేరు. జలుబు లాంటి సాధారణ జబ్బు నుంచి ఎయిడ్స్ మహమ్మారి వరకు దీని చలువే.. ఈ వైరస్ చేసే వింతలు అన్నీ ఇన్నీ కావు..అలాగని ఇది మానవులను మాత్రమే పగబట్టిన శత్రువు కూడా కాదు. కానీ ఈ వైరస్ ప్రపంచం మొత్తాన్ని గడగడ లాడిస్తోంది.
స్పాట్
సరిగ్గా 2009వ సంవత్సరంలో H1N1 ఇన్ఫొయోంజా వైరస్ ప్రపంచాన్ని పట్టి కుదిపేసింది. ఒక అదృశ్యశక్తి ప్రపంచాన్ని కబళించబోతోందని ప్రపంచం యావత్తూ భయపడింది. ఏం జరుగుతుందో తేలీదు. కనీసం గాలి పీల్చాలన్నా భయం.. స్వేచ్చగా గాలి పీల్చలేని పరిస్తితి. దాని పేరే స్వయం ఫ్లూ..ఈ స్వయం ఫ్లూ ఫోబియాతో ప్రతి చిన్న జలుబును కూడా ఫ్లూ గానే భావించి భయపడ్డరు. రోజుల వ్యవధిలోనే ప్రపంచాన్ని చుట్టి వచ్చిన ఈ వైరస్ భయానికి తాత్కాలికంగా తెరపడింది. ఐనా స్వైన్ ఫ్లూ లాంటి ఎన్నో వైరస్లు పుట్టుకొస్తూనే ఉన్నయి. భవిష్యత్తులో మరింత భయంకరమైన వైరస్లు పుట్టుకురావడం ఖాయం.. ఎందుకు వైరస్ జీవులను చంపుతుంది.
స్పాట్
వైరస్ ఎలా మనుగడ సాగిస్తుందనేది కూడా నేటికీ ఓ బేతాళ ప్రశ్నగానే మిగిలిపోయింది. వైరస్ లో ఉన్న పదార్ధమేంటో ఇప్పటి వరకు కచ్చితంగా తెలియదు. వైరస్ అంటే విషద్రావణం అని మాత్రమే తెలుసు.
స్పాట్
ఇక్కడ శాస్ర్తవేత్తలు వేలాదిరకాల వైరస్ లను అధ్యయనం చేస్తున్నరు. కొత్తకొత్త వైరస్ లు ఎలా పుడుతున్నయి. అవి కలుగ జేసే వ్యాధులేంటి.. వాటి ని ఎలా ఎదుర్కోవాలి అనే వాటి గురించి ప్రధానంగా రీసెర్చ్ చేస్తరు.
స్పాట్
యాంకర్ 2
స్వైన్ ఫ్లూ.. ఈ పేరు తెలియని వారు లేరు. ఆ మధ్యకాలంలో ప్రపంచం మొత్తాన్ని గడగడలాడించి పదం స్వైన్ ఫ్లూ .. స్వేచ్ఛగా గాలి పీల్చుకోవాలన్నా గడగడలాడాల్సిన పరిస్థితి.. కేవలం ఒక ఇన్ఫ్లూయోంజా రకానికి చెందిన వైరస్ అంటే..మన జలుబుకు కారణ మయ్యే ఒక రకానికి చెందిన వైరస్ శాస్ర్తవేత్తలకే సవాలుగా నిలిచింది. ఇంతకీ ఏంటీ ఇన్ఫ్లూయేంజా వైరస్. ఏంటీ స్వైన్ ఫ్లూ..
స్పాట్
స్వైన్ ఫ్లూ.. ప్రపంచాన్ని భయ పెట్టిన అంటువ్యాధి.. ప్రతి ఒక్కరూ తమ జీవితాల పై ఆశలు వదులుకునేంతగా భయ పెట్టిన వ్యాది. 120 మిలియన్ లమంది ఈ వ్యాధిన పడ్డారని అంచనా.. మీడియా కూడా ఈ వ్యాధి గురించి బాగానే ప్రచారం చేసింది.
స్పాట్
ఇదిగో ఇక్కడ కనిపిస్తున్న ఈ వైరస్ లు హె1యన్1 ఇన్ఫూయోంజా వైరస్. దీనికి చాలా రకాలున్నట్టు శాస్ర్తవేత్తలు కనుగొన్నరు. కొన్ని త్రికోణాకరంగా, మరికొన్ని గుండ్రంగా, కొన్ని గుళికలుగా, మరికొన్ని విస్తరించినట్టు ఉంటయి.
స్పాట్
వైరస్ లను , వాటి ఉనికిని కనుక్కోగలిగిన్రు కానీ.. వీటి జీవన విధానమే ఇప్పటికీ శాస్ర్తవేత్తలకు అర్ధంకాని విషయం. ఎందుకంటే ఇది జీవి అనడానికి ఎన్ని తక్కువ ఆధారాలున్నయో నిర్జీవి అనడానికి అంతకంటే ఎక్కువ లక్షణాలున్నయి. ఇది రెప్లికేషన్ అనే ప్రక్రియ ద్వారా బ్యాక్టీరియాలో అభివృద్ది చెందుతది. ఒక మానవ కణంలో ఇది చేరిందంటే ఆ కణాన్ని చంపి కొన్ని మిలియన్ల వైరస్ కణాలను ఉత్పత్తి చేయగలుగుతుంది. అసలు వైరస్ కణాన్ని ఎందుకు చంపుతుందో ఇప్పిటికీ అర్ధం కాదు.
స్పాట్
ఇదిగో ఇక్కడ మనకు కనిపిస్తున్న విజువల్స్ వైరస్ అభివృద్దికి చెందినవే. ఒక కణంలో చేరి వందలాది కణాలుగా ఉద్భవిస్తది. ఒక్కవైరస్ ఒక కణాన్ని చంపేసి మిలియన్ వైరస్ లు పుట్టుకొస్తే.. ఆ మిలియన్ కణాలు ఏంచేయాలి.. అదే పని చేస్తున్నాయి. అతి తక్కువ సమయంలో దేహాన్ని ఛిద్రం చేయగల మహత్తర శక్తి వైరస్ ల సొంతం. అలాగని ఇవేమన్నా కణాలను తింటున్నాయా అంటే అదీ లేదు. వైరస్ కు ప్రత్యేకించి ఆహారం అంటూ ఏదీ లేదు. ఇది కేవలం విషరసాయనం మాత్రమే. ఒక ఆర్ యన్ ఎ కణం మాత్రమే. ఇందులో ఒక కేంద్రకంగానీ ప్రత్యేకించిన యంత్రాంగం గానీ ఉండవు. ఒక్కో వైరస్ ఒక్కో రకమైన నిర్మాణం కలిగి ఉంటుంది. కొన్ని గొలుసులుగా ఉంటే టొబాక్ మోజాయిక్ వైరస్ తొకకప్ప నిర్మాణాన్ని కలిగి ఉంటది. కేవలం ఒకే ఒక ఆర్యన్ ఎ పోచ ఒక జీవితం పై పూర్తి స్థాయి ప్రభావం చూపడమే కాదు. ఆ జీవి జెనెటిక్ కోడ్ మీదనే సవారీ చేసి జీవి లక్షణాలను పూర్తిగా మార్చేసి సిండ్రోమ్ లు గా మార్చగలదు.
స్పాట్
యాంకర్ 3
వైరస్ పుట్టుకకు పునాది ఎక్కడ.. అసలీ వైరస్లు అనేవి ఏ జాతికి చెందిన జీవులు, మనకు ఏక కణ జీవులు, బహుకణ జీవులు. మొక్కలు తెలుసు . కానీ అసలు కణమే లేని జీవులున్నయా.. అలా ఉంటే దానిని జీవే అని పిలుస్తరా..అసలు ఇంతకీ వైరస్ ప్రవృత్తి ఏంటి..
స్పాట్
వైరస్ ఇక్కడా అక్కడా అనే భేదం లేదు. అత్యంత శీతల ప్రదేశాలలో, అత్యంత ఉష్ణ ప్రదేశాలలో, సముద్రాలలో కూడా దీని ఉనికిని గుర్తించవచ్చు. ఇదుగో ఇక్కడ యువ శాస్ర్తవేత్త సముద్రం నుంచి సేకరించిన ఈ అరలీటర్ నీటిలో వివిధ రకాలకు చెందిన వైరస్ లు సుమారు వందల లక్షల కోట్లు ఉంటయని అంచనా .. అయితే ఈ నీరు చూడ్డానికి చాలా స్వచ్ఛంగా కనిపిస్తది.. కానీ ఈ నీటిలో కోటాను కోట్ల బ్యాక్టీరియాలు ఉంటయి. ఈ నీళ్లు తాగిన వ్యక్తిలోకి అవి వలస వెళ్లి తమ పని తాము చేసుకుపోతయి. అయితే అన్నిబ్యాక్టీరియాలు అంత ప్రమాదకరమైనవి కావు.
స్పాట్
వైరస్ సరస్సుల్లో, నదుల్లో, సముద్రాల్లో పుష్కలంగా ఉంటది. పర్యావరణ వ్యవస్థలో వైరస్ లు ప్రధాన పాత్ర పోషిస్తయి. మన కంటికి కనిపించకున్నా పర్యావరణాన్ని శాసించే శక్తి వీటికి ఉంది. వైరస్ లు 20శాతం సముద్రజీవులకు నిత్యం మరణశాసనాలను లిఖిస్తయి. వైరస్ బారిన పడి ఎన్నో జలచరాలు నిత్యం అనారోగ్యంతో బాధపడుతుంటయి.వాస్తవానికి దీన్ని జలాశయం అనేకంటే వైరస్ ద్రవాశయం అనడమే సరియైనదేమో.
స్పాట్
వైరస్ లు ఇప్పుడు పుట్టినవి కాదు. 200ల మిలియన్ సంవత్సరాలకు పూర్వమే ఈ నింగీ, నేలా, జలాల్లో వైరస్ ఆక్రమించి ఉంది. కొన్ని కోటాను కోట్ల రకాల వైరస్లు ఈ భూగోళం పై పుట్టుకొచ్చినయి. అసలీ వైరస్ లు పట్టుక ఎక్కడ.. వీటి ప్రస్థానం గురించి తెలుసుకోవాలంటే..ఈ భూమి పై జీవరాశి పుట్టుక చరిత్రను తిరగేయాల్సిందే.. అంటే మనం ఈ భూమి పై జీవరాశి పుట్టుకకు ముందు ఎటువంటి పరిస్థితులు ఉన్నయో అటువంటి పరిస్థితులు ఉన్న ప్రాంతానికి వెళ్లి తీరాలి. మరి ఈ భూగోళం పై ఇంకా అటువంటి పరిస్థితులు ఉన్న ప్రాంతం ఉందా.. యస్..ఆ ప్రదేశమే ఎల్లో స్టోన్..
స్పాట్
యాంకర్ 4
ఎల్లో స్టోన్ పార్క్ చాలా ప్రయోగాలకు నిలయం. భూమి ఉద్భవించినంక జీవరాశి పుట్టుకపుడు ఏ రకమైన వాతా వరణం ఉందో దాదాపు ఆ తరహా వాతావరణం ఇక్కడ ఉంటది. అంతే కాదు ఆ కాలం నుంచి నేటి కాలం వరకు ఏఏ రకాలైన వాతావరణ పరిస్థితులు ఉన్నయో అన్ని రకాల వాతా వరణ పరిస్థితులను చూడగల ఒకే ఒక ప్రాంతం ఎల్లోస్టోన్.. ఈ భూగోళం పై వింత దృశ్యాలకు ఆలవాలమైన ఎల్లోస్లోన్ కు వెళ్లి చూసొద్దాం.
స్పాట్
ఇదే ఎల్లోస్టోన్ ప్రాంతం..ఇక్కడ..భూమిపై నాలుగు బిలియన్ సంవత్సరాలకు ముందు ఎటువంటి పరిస్థితులు ఉండేవో సరిగ్గా అటువంటి పరిస్థితులే నేటికీ ఇక్కడ ఉన్నయి. ఒక రకంగా చెప్పాలంటే ఇది భూమి పై ప్రాధమిక జీవనానికి ఒక నమూనా లాంటిదని చెప్పుకోవచ్చు. ఈ ప్రాంతం చాలా అరుదైన ప్రాంతం. ఎందుకంటే ఇక్కడ భుగభుగ మని పొగలు కక్కే ఉష్ణకాసారాలు, వాటి పక్కనే అంతెత్తున ఎగజిమ్మే వేడినీటి చెలిమెలు పక్కపక్కనే ఉంటయి. అడుగు తీసి అడుగేస్తే అరికాలు కిందే అగ్ని శిఖలు బగ్గుమనే వింతయిన ప్రాంతమిది. ఇక్కడ నిత్యం భూమి నుంచి ఉష్ణ గాలులు అధిక వత్తిడితో పైకి లేస్తుంటయి. అత్యంత ఉష్ణం, అత్యధిక శీతలం ఉండే అరుదైన ప్రాంతమిది.
స్పాట్
ఈ ఎల్లో స్టోన్ పరిసర ప్రాంతాలన్నీ భూమి ప్రాధమిక దశలో ఉన్న పరిస్థితుల్లోనే ఉంటయి. ఈ ప్రకృతి మాత తన కిష్టమైన ప్రాధమిక రూపానికి ఆనవాలుగా ఈ ప్రాంతాన్ని చెక్కు చెదరకుండా అలానే ఉంచుకుందా అనిపిస్తది.
స్పాట్
ఈ సృష్టిలో జీవం ఒక పద్దతి ప్రకారం ఏర్పడిందనేది శాస్ర్తవేత్తల భావన. దీనినే ల్యూకా భావన అని పిలుస్తరు. ఈ భావన ప్రకారం… మూడున్నర మిలియన్ ల సంవత్సరాకు ముందు.. ఈ భూమి పై మొట్టమొదట కేంద్రక పూర్వ జీవులైన బ్యాక్టీరియా లు ఉద్భవించినయి. ఆ తరువాత కేంద్రకయుతజీవులు తయారయినయి. వీటినే నిజకేంద్రక జీవులని పిలిచిన్రు. ఈ నిజకేంద్రక జీవుల్లో శిలీంద్రాలు, శైవలాలు, మొక్కలు, జంతువులు, మనతో కలిపి అన్నీ ఆ తరువాతే అభివృద్ది చెందినవి. 1970లో శాస్ర్తవేత్తలు ఈ రెండు రకాలు కాకుండా..అంటే కేంద్రక పూర్వ జీవులు, నిజకేంద్రక జీవులు కాకుండా ఈ రెంటికి మధ్యలో ఓ కొత్త రకమైన జీవులను కనుగొన్నరు. వాటినే ఆర్కియా అని పిలిచిన్రు. ఇవి సజీవులకు నిర్జీవులకు మధ్య వారసులుగా నిలిచినయి.
స్పాట్
యాంకర్ 5
మనం డాక్టర్ దగ్గరకు వెళితే కాచి చల్లార్చిన నీటినే తాగమని సలహా ఇస్తరు. వేడి నీళ్లలో బ్యాక్టీరియా, వైరస్ లు చనిపోతయని వీరి నమ్మకం. మరి అది నిజమేనా..నిజమే కావచ్చు..కానీ అన్ని రకాల వైరస్ లు, బ్యాక్టీరియాలు వేడి నీటికి లొంగవు. అవి సలసల కాగే ఉష్ణకాసారంలో కూడా బతకి బట్టకట్టవని నిరూపించిన్రు శాస్ర్తవేత్తలు.
స్పాట్
లావాలా భుగభుగ మసిలే ఈ నీటిలో కూడా వైరస్, బ్యాక్టీరియాలు బతికి ఉన్నయంటే నమ్మగలరా.. నిజం.. ఈ నీటిలో కూడా వైరస్ బతికే ఉంటది. వీటినే ఉష్ణప్రియ వైరస్ లు అంటరు.. సాధారణంగా మనకు వైద్యులు కాచి చల్లార్చిన నీటినే తాగమని చెప్తరు. మన ఇళ్లలో మామూలుగా కాచి చల్లార్చిన నీటిలో బ్యాక్టీరియా ఉండదని వైద్యులు చెప్తుంటరు. మరి అట్లాంటపుడు ఇలా సలసల కాగే ఉష్ణకాసారం లాంటి నీటి గుండంలో వైరస్ లు ఉన్నయంటే నమ్మకగలమా.. ఆ అనుమానమే వచ్చింది ఒక శాస్ర్తవేత్తకు అందుకే నీటి చెలిమెలో కొంత నీటిని తీసుకొని పరిక్షించిండు.
స్పాట్
సలసల కాగే ఈ నీటిలో కూడా బ్యాక్టీరియాను గుర్తించిన్రు. దాని పేరే ఆర్కియా..ఇది అతి పురాతన వైరస్.. ప్రాథమిక జీవి ఏర్పడటానికి ముందే ఈ ఆర్కియా వైరస్ ఏర్పడిందని శాస్ర్తవేత్తల భావన. ప్రకృతి పరిణామంలో వైరస్ కీలక పాత్ర పోషించిందనే చెప్పాలి. రకరకాల జాతులు పుట్టుకకు కూడా వైరసే కారణమనే వాదన కూడా బలంగా ఉంది. కొన్ని రకాల వైరస్లు జంతువుల శరీరాలలో చేరి వాటి జీవన గమనంలో పూర్తి మార్పు తెచ్చినయనే సిద్దాంతం కూడా ఉంది. ఒకానొక దశలో ఈ ప్రకృతి మొత్తాన్ని వైరస్ లే శాసించినయి. ఎందుకంటే సహజసిద్ద మరణం లేని జీవి వైరస్..ఆ మాటకొస్తే వైరస్ అసలు జీవే కాదు. అదో నిర్ణాయక ప్రాథమిక జీవ పదార్దం.
స్పాట్
వైరస్ లన్నీ హానికరమైనవి కావు... అలాగని అన్ని వైరస్లు అన్ని రకాల జీవుల మీద ప్రభావం చూపవు.. జంతువులకు హాని చేసే వైరస్ లు మొక్కలకు ఉపయోగ పడొచ్చు. అలాగే మొక్కలకు హాని చేసే వైరస్ లు జంతువులకు హాని చేయకపోవచ్చు. ఇదిగో ఇక్కడ లాబొరేటరీలో ఈ శాస్ర్తవేత్త చూపించే ప్రయోగం అదే. ఈ ఆకుపచ్చని టిష్యూకల్చర్ మొక్క పై వాలిన వైట్ ఫ్లైలను చూడండి. ఇవి మొక్క పై ఉన్న పత్రహరితంతో బాటు దానికి సోకిన వైరస్ ను కూడా ఆరగిస్తుంది. కానీ ఈ వైట్ ఫ్లైకి ఏమీ కాదు. ఈ వైట్ ఫ్లై సుమారు వంద రకాల వైరస్ నుంచి తనను తాను కాపాడుకోగలదు. కానీ ఇదే వైట్ ఫ్లై మరో మొక్క మీద వాలినపుడు ఈ తెల్ల ఈగ ద్వారా ఆ మొక్కలోకి వైరస్ సంక్రమణ జరుగుతది. వైరస్ ఒక చోటనుంచి మరో చోటకు బదిలీ కావడానికి ఈగలు కూడా వాహకాలే.
స్పాట్
వైరస్ లు చాలా రకాలుగా ఉంటయి. కొన్ని మామూలు జలుబుతో వదిలేవయితే మరికొన్ని ప్రాణాంతక వ్యాధులను తెచ్చిపెట్టేవి. ఇన్ఫ్లూయేంజా వైరస్ ప్రపంచాన్నే గడగడ లాడించింది. కొన్ని రకాల వైరస్ జీవి ప్రవర్తననే పూర్తిగా మార్చేస్తయి. కుక్కల్లో వచ్చే రేబిస్ వ్యాధి ఈ కోవకు చెందిందే..రేబిస్ వ్యాధి సోకగానే కుక్కలైనా మనుషులైనా వారి వాస్తవ ప్రవర్తను కోల్పోతారు. ఒక్క ముక్కలో చెప్పాలంటే ఒక రకమైన మనోవ్యాధి గ్రస్తులవుతారన్న మాట. ఎందుకంటే ఈ వైరస్ బ్రెయిన్ పై పని చేస్తుంది.
స్పాట్ (కుక్కలు మొరగడం)
ఫ్లూ వైరస్ వర్షాకాలంలో వేగంగా విస్తరిస్తుంది. బస్ లు రైళ్లలో ప్రయాణించే వారికి ఇది వేగంగా సోకుతది. ఫ్లూ వైరస్ క్రియాశీలంగా పనిచేసే కాలం వర్షాకాలం కాబట్టి ఈ కాలంలోనే జలుబు ఎక్కువగా వస్తది. చిన్నాచితకా జబ్బులైతే పెద్ద సమస్య లేదు గానీ, మరీ మరణ శాసనాలను లిఖించే వాటితోనే ఇబ్బంది. వైరస్ లలో రారాజు అని చెప్పే వైరస్ హెచ్ ఐ వి వైరస్.
స్పాట్
వైరస్ శరీరాన్ని సోకినప్పటకీ అది కొంత ప్రాంతాన్నే ప్రభావితం చేయడం కూడా శాస్ర్తవేత్తలను విస్మయానికి గురిచేసే అంశం. స్మాట్ ఫాక్స్ కలుగజేసే వైరస్ కేవలం చర్మానికి మాత్రమే పరిమితం. ఇది మనిషిని చంపదు. కేవలం అంతర్భాగాలపై మాత్రమే ప్రభావితం చూపుతది. H1N1 ఇన్ఫ్లుయేంజా వైరస్ మాత్రం ఊపిరితిత్తుల్లోకి లోతుగా వెళ్లి అక్కడి కణజాలాన్ని పూర్తిగా నాశనం చేస్తది. అప్పడు ఊపిరితిత్తులు సరిగా పనిచేయవు. ఆక్సీజన్ తీసుకోవడంలో ఇబ్బంది ఎదురవుతది. దీనివలన వ్యక్తి నిమోనియా అనే వ్యాధితో మరణిస్తడు.
స్పాట్
యాంకర్ 6
వైరస్ వల్ల ఒక జాతికి జాతే తుడిచి పెట్టుకు పొయిన సందర్భాలు కూడా లేకపోలేదు. ఒక ప్రాంతాన్ని మొత్తం కబళించి తరతరాలుగా వేదించే వైరస్ ఒకటి ఉందంటే ఆశ్చర్యం కలుగక మానదు. ఈ వైరస్ లీలలు తెలుసుకోవాలంటే మనం మధ్య ఆఫ్రికా వెళ్లి తీరాల్సిందే.
స్పాట్ (మోటర్ సైకిల్ వెళ్లే సీన్)
ఇది కాంగో ఏరియా.. ఇక్కడ ప్రజలు నాగరిక ప్రపంచానికి దూరంగా ఆటవికులుగా ఉంటరు. వీరికి మంచి చెడులు అంతగా తెలియవు. దొరికింది తినడం హాయిగా ప్రకృతి ఒడిలో జీవించడమే వీరికి తెలుసు. ఈ వైరస్ ల గురించి గానీ, బ్యాక్టీరియా గురించి గానీ వారికి తెలియదు. ఇటువంటి అయాయక ప్రజలను తరతరాలుగా పట్టి పీడిస్తున్నదో మహమ్మారి. అదే మంకీ ఫాక్స్.. మంకీ ఫాక్స్ అనేది స్మాల్ ఫాక్స్ కు కజిన్ లాంటిదని శాస్ర్తవేత్తలు అభివర్ణిస్తరు. హెచ్ ఐ వి వైరస్ కూడా ఈ ప్రాంతం నుంచె పుట్టిందని శాస్ర్తవేత్తల అభిప్రాయం. ఎందుకంటే ఇక్కడి ప్రజలు కోతులను ఆహారంగా తీసుకుంటరు. కోతుల శరీరంలో ఉన్న వైరస్ వీరికి సంక్రమించడం, అది ఒకరినుంచి మరొకరికి వ్యాపించి జాతి మొత్తాన్ని ఆవరించింది. నిజానికి తమ శరీరాల్లో ఈ వైరస్ ఉందన్న విషయం ఈ అమాయక జీవులకు తెలియదు. అది ఎలా వ్యాపిస్తుందో కూడా వీరికి తెలియదు. మనం కూడా ఒక్కసారి ఈ కాంగో అడవుల్లో తిరిగితే వీరి జీవన ప్రవృత్తి ఏంటో తెలుస్తది. పదండి పోదాం..
స్పాట్(అడవిలోకి వెళ్లే సీన్స్)
అడవిలో దొరికే వివిధ జాతులకు చెందిన కోతులను ఎయిర్ గన్ లతో వేటాడుతరు ఇక్కడి వారు. గుంపుగా వెళ్లిన వీరిలో ఏ ఒక్కరికి వేట దొరికినా అందరూ వాటాలేసుకొని కలిసి పంచుకుంటరు. కానీ శాస్ర్తీయంగా ఈ కోతిని పరిశీలిస్తే దీని ఆకారమే ఒక వ్యాధికారకంలా కనిపిస్తది. ఈ చనిపోయిన కోతి అప్పటికే వైరస్ తో జబ్బుపడి ఉంది. వికృతంగా ఉన్న ఈ జీవిని ఖండఖండాలు చేసి తలా కొంచెం పంచుకుంటరు. దాని ఫలితం అందరూ అనుభవిస్తరు. చిన్నా పెద్దా అనే తేడా లేకుండా అందరికీ ఈ మంకీఫాక్స్ అనే వ్యాది సోకిందిక్కడ. ఇక్కడ చిన్నారుల చర్మం పై చిన్న చిన్న బొడిపెల్లా ఉన్న ఇవి మంకీఫాక్స్ జబ్బు లక్షణాలు. ఈ వ్యాధి సమూహంలో ఒకరి నుంచి మరొకరికి వేగంగా సొకుతుంది.
స్పాట్
మంకీ ఫాక్స్ వ్యాధి సోకిన వారు లేదా ఆ వ్యాధి ప్రాధమిక దశలో ఉన్నవారు జన సమర్ధంలో తిరిగినపుడు వారికి కూడా అది వ్యాపిస్తది. విమానయానం చేసి ఈ వైరస్ ను ఖండాంతరాలకు వ్యాపింపజేసిన్రు. ఇప్పుడీ వ్యాది ప్రపంచంలో చాలా దేశాలకు పాకింది. ఈ వ్యాధి సోకిన వారు రైళ్లలో, షాపింగ్లలో, వివిధ దుకాణాలలో పని చేయడం వల్ల ఈ వైరస్ గిరిజనుల నుంచి నాగరికులకు వేగంగా వ్యాపించింది.
స్పాట్
యాంకర్ 7
1958 వరకు హెచ్ఐవి వైరస్ గురించి ప్రపంచానికి తెలియదు. ఇది చాలా సహజమైన వ్యాధి గానే భావించిన్రు. కానీ అది సిండ్రోమ్ గా మారి మనుషులను జీవచ్ఛవాలుగా మార్చడం చూసి ఇది ప్రత్యేక మైన వ్యాధిగా గుర్తించిన్రు. ఎక్కడో మధ్య ఆఫ్రికాలో పుట్టిన హెచ్ఐవి వైరస్ ఇప్పుడు ప్రపంచాన్నే వణికిస్తుంది. స్మాల్ ఫాక్స్ , పోలియో లాంటి కొన్ని వైరస్ లకు వ్యాక్సిన్లు ఉన్నయి. ఈ వ్యాక్సిన్లు వాడిన వారి శరీరంలోకి వైరస్ సంక్రమించినా వ్యాధులను కలుగజేయవు సరికదా అవి వారి శరీరంలో జీవించలేవు.
స్పాట్
ఇదిగో ఇక్కడ ఫోటోలో కనిపిస్తున్న వ్యక్తులు స్మాల్ ఫాక్స్ వైరస్ బారిన పడిన వారే. స్మాల్ ఫాక్స్ దెబ్బకు జీవితాలను చిద్రం చేసుకున్న ఈ అభాగ్యులకు ఆ వైరస్ ంటే ఏమిటో తెలియదు. అసలీ మహమ్మారి తమనే ఎందుకు ఆవరించిందో తెలియదు.
అంతగా వైధ్యం అభివృద్ది చెందని ఆ రోజుల్లో స్మాల్ ఫాక్స్ వ్యాధి సోకితే మరణమే శరణ్యం. ఈ వ్యాధి సోకిన ముగ్గురిలో ఇద్దరు చనిపోవలసిందే. బ్రతికిన ఆ ఒక్కరు కూడా మృత్యుద్వారాల ముందు దినదిన గండం గా గడపాల్సిందే. ఈ వైరస్ మనిషి నుంచి మనిషికి గాలి, నీరు, ఆహారం ద్వారా సోకడంతో దాదాపు ప్రపంచాన్ని మొత్తం తుడిచిపెడుతుందనే భయం పట్టుకుంది. ఎన్నో పరిశోధనల తరువాత స్మాల్ ఫాక్స్ కు ఒక టీకా కనిపెట్టిన్రు. ఈ టీకా వేసే విధానం కూడా కాస్త ఇబ్బందిగానే ఉండేది.. ఈ టీకా గురించి మొదట్లో అపోహలు ఉండటం వల్ల మొదట్టో వీటిని వేయించుకోవడానికి ప్రజలు భయపడ్డరు. తరువాత చిన్న పిల్లల దగ్గర్నుంచి పెద్దవాళ్ల వరకు కౌంట్ చేసి మరీ ఈ టీకాలు వేయడంతో ఈ వైరస్ నుంచి ముక్తి కలిగింది.
స్పాట్
20వ శతాబ్దంలో సుమారు 300 విలియన్ల మందికి ఈ స్మాల్ ఫాక్స్ వ్యాధి సోకింది. వ్యాక్సిన్ కనిపెట్టడం, దాన్ని ప్రజలపై ప్రయోగించడం ఒక బాగమైతే తరువాత వాతావరణ పరిస్థితుల్లో ఈ వైరస్ పూర్తిగా నిర్మూలించబడింది.
స్పాట్
ఇప్పడు ప్రపంచాన్ని భయపెడుతున్న మరో మహమ్మారి వైరస్ హెచ్ఐవి. ఎన్ని ప్రయత్నాలు చేసినా హెచ్ఐవి కి వ్యాక్సిన్ కనిపెట్టలేకపోవడానికి కారణాలు న్నయి. మొదట ఇవి మనిషికి సోకినపుడే మానవ కణంలో మల్టిప్లెక్స్ విధానం ద్వారా నిత్యం లక్షలాది వైరస్ లను ఉత్పత్తి చేస్తది. ఈ వైరస్లు మానిషి వ్యాధి నిరోదక వ్యవస్థను తుడిచేసే ప్రయత్నం చేస్తది. దాంతో మనిషిలో ఉన్నరోగ నిరోదక వ్యవస్థ పూర్తిగా తగ్గిపోయి చిన్న జ్వరానికే ప్రాణాలు కోల్పోయే పరిస్థితి వస్తది.
స్పాట్
హెచ్ ఐ వి వైరస్ ను కనుగొని ఆరు దశాబ్దాలు అవుతున్నా దీనికి వ్యాక్సిన్ కనుగొనడం చాలా కష్టంగా మారింది. దీనికి ఒక బలమైన కారణం ఉంది. ఒక రకమైన వైరస్ అయితే దానికి తగిన మందు కనుక్కోవచ్చు . కానీ ఒకే వైరస్ తన రూపాన్ని కొన్ని లక్షల రూపాల్లోకి మార్చుకుంటే ఎన్ని లక్షల వ్యాక్సిన్ లు తయారు చేయాలి. ఇదే శాస్ర్తవేత్తల ముందు ఉన్నప్రశ్న.
స్పాట్
హెచ్ ఐవి వైరస్ రెప్లికేషన్ విధానంలో అభివృద్ది చెందుతది. అయితే ఇది తనను తాను కాపీ చేసుకొని తన జీన్ పోచలను తయారు చేసుకొంటది. కానీ ఇది తన పోచ తాను తయారు చేసుకొనే క్రమంలో కొన్ని నత్రజని క్షారాలను మరిచిపోతది. జీన్ కోడ్ లో మార్పు ఉండటం వలన..కొత్తగా ఏర్పడే వైరస్ కు అంతకు ముందు ఉన్న వైరస్ కు లక్షణాలలో, రూపంలో సారూప్యం ఉండటం లేదు. అంటే హెచ్ ఐవి అనేది ఒక రకమైన వ్యాధికలిగించే భిన్నరూపాలున్న వైరస్ అన్నమాట. ఒక రకమైన వైరస్ ను నిర్మూలించే వ్యాక్సిన్ దాని ఉత్పత్తిని నిర్మూలించలేని పరిస్థితి ఉంది. వైరస్ ఎప్పటికపుడు రూపాలను మార్చుకోవడం, లక్షణాలను మార్చుకోవడం వల్ల దాని పై ప్రయోగించే వ్యాక్సిన్ కనుగొనడం కూడా చాలి ఇబ్బందిగా మారింది.
స్పాట్
యాంకర్ 8
హెచ్ ఐ వి వైరస్ కు మందులు లేవా.. హెచ్ ఐవి సోకితే చనిపోవలసిందే..ఎవరూ బ్రతకరా..మామూలు మానవుణ్ని కూడా వేదించే ప్రశ్నలివి..కానీ ఇది వాస్తవం కాదు. ఎయిడ్స్ సోకిన మనిషి కూడా హాయిగా మామూలుగా బతకొచ్చు. ఇది కూడా మామూలు జబ్బుల మాదిరే..కానీ కాస్త జాగ్రత్తలు తీసుకోవాలి.
స్పాట్
హెచ్ఐవి వైరస్ నుంచి కాపాడేందుకు వ్యాక్సిన్ లు లేకున్నా ఈ వ్యాధి సోకిన మనిషి జీవితకాలాన్ని పొడిగించేందుకు మందులున్నయి. యాంటీరిట్రోవైరల్ డ్రగ్స్ వాడటం వలన చాలా వరకు జీవితకాలాన్ని పొడిగించుకునే అవకాశం ఉంది. అయితే ఇది క్రమం తప్పకుండా వాడాలి.
స్పాట్
హెచ్ఐవి వైరస్ కు సరియైన టీకా కనుగొనడానికే కుస్తీపట్లు పడుతున్న మన శాస్ర్తవేత్తలకు స్వైన్ ఫ్లూ ఒక సవాలు విసిరింది. స్వైన్ ఫ్లూ వ్యాధిని కలుగజేసే H1N1 వైరస్ పక్షులను, పందులను, మానవులను ఈ వ్యాధికి గురిచేస్తది. అయితే పక్షుల నుంచి, పందుల నుంచి, మానవుడి నుంచి ఈ వైరస్ ను సేకరించి దాని పై ప్రయోగాలు చేసిన్రు. ఈ వ్యాధికి వ్యాక్సిన్ కనుగొనే వరకు ఇది సోకకుండా జాగ్రత్తపడటమే మార్గంగా తోచింది. అందుకే ప్రపంచ పౌరులంతా మాస్క్ లు ధరించి ముందు జాగ్రత్త తీసుకున్నరు. దీని కోసం ప్రభుత్వాలు కూడా జాగ్రత్తతీసుకొని మాస్క్లను పంచి పెట్టినయి. స్వైన్ ఫ్లూ సోకిన వ్యక్తులను విడిగా తీసుకొని వైద్యం చేసే ప్రయత్నం చేసినయి.
స్పాట్
జీవి..నిర్జీవి కానీ ఒక మాధ్యమిక విష రసాయనం సృష్టి నిర్మాణాన్నే శాసిస్తుంది. దాని పేరే వైరస్..సృష్టి ఆది నుంచి ఉన్న ఈ పదార్దం రోజు రోజుకు తన రూపాన్ని మార్చుకుంటూ మానవ విజ్ఞానానికే సవాలుగా నిలిచింది. రానున్నకాలంలో మానవజాతి మొత్తాన్ని తుడిచి పెట్టే వైరస్ పుట్టుకొచ్చినా ఆశ్యర్యం లేదు. అలా పుట్టుకొచ్చే వైరస్ కు మానవుడే పురుడు పోస్తడు. తన చుట్టూ ఉన్న పరిసరాలను కాలుష్యం చేయడం విపరీతంగా రేడియో థార్మిక పదార్ధాలు ఉపయోగించడం వలన కొత్త జాతుల వైరస్లు ఉత్పరివర్తనాల వలన పుట్టుకొస్తున్నయి. ఏదో ఒక రోజు ఇవి పెరిగి పెరిగి భూగోళం పై జీవనాన్ని ప్రశ్నార్ధకంగా మార్చినా ఆశ్చర్యంలేదు.
స్పాట్
ఎండ్ యాంకర్
ఇవీ ఈ వారం సైన్స్ విశేషాలు..మరిన్ని లేటెస్ట్ సైంటిఫిక్ అప్ డేట్స్ తో వచ్చేవారం మళ్లీ కలుసుకుందాం.. దిసీజ్ యువర్స్ రాజేశ్ సైనింగ్ ఆఫ్
బ్రేక్ లు.
కామెంట్లు లేవు:
కామెంట్ను పోస్ట్ చేయండి