ఎ. జనార్ధన్
ఇంట్రో యాంకర్
విశ్వరహస్యాలు విప్పిచెప్పే ది సైన్స్ అల్టిమేట్ నాలెడ్జ్ కు స్వాగతం.
యాంకర్ 1
పచ్చని పసిరికలను చూస్తే చంటి పాపలను చూసినట్టుంటది. ఎవరకీ హాని చేయవు. నేలలోదొరికే లవణాలతో, సూర్యరశ్మి, నీటితో బతికేస్తయి. మొక్కలు స్వయం పోషకాలు.. పాపం జీవజాతిని బతికించేది కూడా మొక్కలే.. ఇప్పటి వరకు ఇవే మనలో చాలా మందికి తెలిసిన నిజాలు. కానీ మొక్కల్లో కూడా మాంసాహారులున్నాయని, అవి కూడా అదును చూసి కాటేస్తాయని మీకు తెలుసా.. తెలియకుంటే ఇప్పుడు చెబుతా జాగ్రత్తగా వినండి. ఆదమరిచి ఉంటే నిండు ప్రాణాలు తీసి ఆబగా ఆరగించే మొక్కలున్నాయి. జాగ్రత్త..
స్పాట్ ( క్రిమినల్ ప్లాంట్స్) Plantas Carnivoras ఫైల్ వాడగలరు.
యాంకర్ 2
యస్.. మొక్కలు చంపుతాయి. ఏ మాత్రం దయా దాక్షిణ్యంలేకుండా నమిలి మింగేస్తయి. ఎందుకు ఏం. మొక్కలకు అంత కసి ఎందుకు.. అంటే అసలు సబ్జెక్ట్ లోకి వెళ్లాల్సిందే..
స్పాట్
వాయిస్
మొక్కలు ఎన్నో రకాలుగా ఉంటాయి. ఎక్కువ శాతం మొక్కలు నేలలోని లవణాలను, గాలిలో కార్బన్ డై ఆక్సైడ్ ను, నీటిని సూర్యరశ్మిని వినియోగించుకొని పిండిపదార్ధాలను తయారు చేసుకుంటయి. అయితే చాలా మొక్కలు నేల నుంచి నత్రజనిని సేకరించుకోలేవు. ఈ నత్రజని లోపం తగ్గించుకోవడానికి సృష్టిలో ఒక్కో మొక్కలు ఒక్కో రకమైన అమరిక ఉన్నది.
స్పాట్
లెగ్యుమినేసి మొక్కల్లో అంటే చిక్కుడు, వేరుశనగ వంటి మొక్కల్లో నత్రజని లోపం తగ్గించుకోడానికి వాటి వేరు బుడిపెల్లో రైజోబియం అనే బ్యాక్టీరియా ఉంటయి. ఈ రైజోబియం బ్యాక్టీరియా నేలలోని నత్రజనిని సశ్లేషించుకోగలవు. ఈ నత్రజనిని మొక్క వినియోగించుకుంటది. అదే సందర్భంలో బ్యాక్టీరియా కూడా మొక్కనుంచి ఆహారాన్ని పొందుతుంది. ఈ రకమైన జీవనాన్ని సహజీవనం అంటరు. అంటే రెండు జీవులు ఒకదానికొకటి ఆహారాన్ని ఇచ్చి పుచ్చుకుంటూ హాని చేసుకోకుండా జీవిస్తే దాన్నే సహజీవనం అంటరు.
స్పాట్
యాంకర్ .3
ఒకరికొకరు హాని చేసుకోకుండా సాగించే జీవనాన్ని సహజీవనం అంటరు. మరి ఒక జీవి పై మరో జీవి దాడి చేసి ధ్వంసం చేసి ఆహారాన్ని పొందితే దాన్ని పరాన్నజీవనం అంటరు. అవును పరాన్న జీవుల దాడిలో ఒక రకం జీవులు పూర్తిగా నాశనం కావడం లేదా పాక్షికంగా నశించడం జరుగుతది. దాని వల్ల ఏదో ఒక జీవికి నష్టం. ఇటువంటి నష్టం కలిగించే కోవకు చెందినవే కీటకాహార మొక్కలు.
స్పాట్
చిన్న చిన్న క్రిములను, కీటకాలను మరియు చిన్న జంతువులను తినే మొక్కలను కీటకాహార మొక్కలు లేదా మాంస భక్షణ మొక్కలు అంటరు. ఇవి చాలా ఆశ్చర్యకరమైనవి. ఈ మొక్కలు నత్రజని లోపించిన ముఖ్యంగా బురద నేలలలో పెరుగుతయి. ఇవి తమకు కావలసిన నత్రజనిని తయారుచేసుకోలేవు. అందువల్ల ఈ విధంగా క్రిమికీటకాలలో లభించే మాంసకృత్తుల మీద ఆధారపడతాయి. ఈ మొక్కల పత్రాలు కీటకాలను ఆకర్షించి, పట్టుకొని, చంపి, జీర్ణం చేసుకోవడానికి అనువుగా బోనులుగా రూపాంతరం చెందుతాయి. ఈ పత్రాలను 'బోను పత్రాలు' అంటారు. ఈ పత్రాలు వివిధ ఎంజైములను స్రవించడం వలన కీటకాలలోని ప్రోటీనులు విశ్లేషించి జీర్ణం చేయబడతాయి. జీర్ణం చేయబడిన ప్రోటీనులను ఈ పత్రాలు శోషిస్తాయి. ఇవి ఉత్తర, దక్షిణ కరోలినా ప్రాంతాల్లో కనిపిస్తయి.
స్పాట్
మొక్కలు కీటకాలను బంధించడం చాలా చిత్ర విచిత్రంగా ఉంటది. ఒక్కోసారి చాలా ఆశ్చర్యం వేస్తది కూడా. ఎందుకంటే ఇంత టెక్నాలజి తెలిసిన మనిషే వేటాడాలంటే ఎంతో ప్రయాస పడుతడు. అట్లాంటిది ఇంచు కూడా కదలలేని మొక్కలు ఎలా వేటాడగలవు.. రోజువారీ ఆహారాన్ని ఎలా పొందగలవు.
స్పాట్
వాస్తవానికి ఆహారం చెంతకు ఇవి వెళ్లవు. వీటి చెంతకే ఆహారం రావాలి. అవును ఇవి అలా ఆహారం నడిచి వచ్చేలా చేస్తయి. కీటకాలను ఆకర్షించడంలో ఒక్కో మొక్కది ఒక్కో ట్రిక్. కీటకాహార మొక్కల్లో డయోనియా దీనినే వీనస్ ఫ్లై ట్రాప్ అని కూడా అంటరు.
స్పాట్
యాంకర్ 4
వీనస్ ఫ్లై ట్రాప్ మొక్కలను వేటాడుతుంది. ఒక మొక్క కీటకాలను ఎలా వేటాడగలదు. ఇది నిజంగా చాలా ఇంట్రస్టింగ్ విషయం. ఎందుకంటే మొక్కలు తాము ఉన్న ప్రాంతం నుంచి అంగుళం కూడా కదల్లేవు. మనుషులే కీటకాలను పట్టాలంటే నానా ఇబ్బందులు పడుతరు. కానీ వేగంగా ఏగిరే కీటకాలను మొక్క ఎలా పట్టగలదు. ఇవే కదా మీ మెదడును తొలిచే ప్రశ్నలు. అవును మీరు ఊహిస్తుంది. నిజమే..కానీ కీటకాలను పట్టుకోవడం మొక్కలకు చాలా ఈజీ.. ఏలానో చూద్దాం..
స్పాట్
వీనస్ ఫ్టై ట్రాప్ కీటకాలను వేటాడే విధానం చాలా ఇంట్రెస్టింగ్ గా ఉంటది. పిల్లలను పట్టే వాళ్లు, ఇంట్లో ఎలకలను పట్టే బోను ఎలా పనిచేస్తుందో అచ్చం అదే ఫార్ములాతో వీనస్ ఫ్లై ట్రాప్ కీటకాలను పడుతుంది. అంతేకాదు వీనస్ ఒక్క కీటకాలనే కాదు. కాటర్ పిల్లర్ లను, కప్పలను బల్లులను కూడా వదలదు. ఇంతకీ ఈ వీనస్ ఫ్లై ట్రాప్ కీటకాలను ఎలాపడుతుందో తెలుసుకుందాం.
స్పాట్
ఇదిగో ఇక్కడ చూడండి.. వీనస్ ఫ్లైట్రాప్ ఆకుల పై కొన్ని స్పర్శ కేశాలున్నయి. ఈ స్పర్శ కేశాలను ఒక సారి తడిమితే ఏ చర్యా ఉండదు. కానీ వెంట వెంటనే రెండు సార్లు తడిమితే రెండు దళాలు దగ్గరకి వత్తుకుంటయి. అప్పుడు దళాల్లో చివరలో ఉన్న పత్రకాలు ఆహారాన్ని తప్పిచ్చుకొని పోకుండా అడ్డుకుంటయి. విధిలేని సరిస్థితుల్లో ఆహారం అందులోనే చిక్కుకుంటుంది. ఒక్కసారి ఇందులో చిక్కిందా ఇక బతుకు పై ఆశలు వదులుకోవలసిందే. ఇందులో చిక్కుకున్న జీవికి నీళ్లు ఆహారం లేక చిక్కి శల్యమై చనిపోతుంది. కీటకాల శరీరం కైటిన్ అనే పెంకుతో తయారవుతుంది. ఈ ఖైటిన్ లో కాల్షియం ఉంటది. శరీరంలో ఉన్న నత్రజని ఫాస్పరస్ మూలకాలు మొక్క శరీర నిర్మాణానికి ఉపయోగ పడుతుంది. చౌడు భూముల్లో, బురద నేలల్లో పెరిగే మొక్కలకు పాస్ఫరస్, నత్రజని అవసరం.
స్పాట్
వీనస్ ఫ్టైట్రాప్ లో చిక్కుకున్న నత్తలు, కాటర్ ఫిల్లర్ లు, కీటకాలు ఈ మొక్కలకు ఆహారంగా మారుతయి. ఏవో కొన్న అదృష్ట జీవులు.. భూమి పై ఇంకా ఆహారం ఉన్న జీవులైతే చిన్నగా తప్పిచ్చుకుంటయి. బతకు జీవుడా అంటూ బాటపడతయి.
స్పాట్ (నత్త తప్పిచ్చుకునే సీన్)
యాంకర్ 5
ఇప్పటి వరకు వల వేయడం మనుషులకు మాత్రమే తెలుసనుకున్నాం. అంతేకాదు అదునుచూసు వల విసరడంలో సాలీడు కూడా నేర్పరే .. కానీ అంతకంటే అద్భుతంగా.. ఓర్పుగా నేర్పుగా వల విసరడంలో చమత్కారి సన్ డ్యూ ప్లాంట్. ఇంతకీ సన్ డ్యూ ఏంటి అనుకుంటున్నారా. చూడ్డానికి సూర్యుడిలా చుట్టూ కిరణాలు కలిగి ఉండి.. ఉదయపు వేళల్లో మంచుబిందువులను మోస్తున్న లేత ఆకుల్లా కనిపించేదే సన్ డ్యూ.. కానీ ఇది కీటకాల పాటిట యమపాశం.. ఈ డ్రోసిరా మొక్క కీటకాలను ఎలా పట్టుకుంటుందో ఓలుక్కేద్దాం..
స్పాట్
డయోనియా తరువాత మాంసాహార మొక్కల్లో చెప్పుకోదగ్గది డ్రోసిరా.. దీనినే సన్ డ్యూ అని కూడా అంటరు. పత్రం చుట్టూ కేశాలు మెరుస్తూ తెల్లని స్రావాన్ని కలిగిన బుడిపెలు ఉండి అచ్చం సూర్యుడిలా మెరుస్తూ మంచు బిందువులను మోస్తున్నట్టు కనిపించడం వల్ల ఈ మొక్కకు సన్ డ్యూ అనే పెరు వచ్చింది. ఈ సన్ డ్యూ మొక్కలలో చాలా రకాలున్నయి.
స్పాట్(వివిధ రకాల మొక్కల విజువల్స్)
సన్ డ్యూ , డ్రోసిరాగా పిలవబడే ఈ మొక్క టెంటకిల్స్ అత్యంత సున్నితంగా ఉంటయి. ఈ సున్నిత కేశాలకు అత్యంత బలీయమైన స్పర్శ జ్ఞానం ఉంటది. ఏదైనా కీటకం దగ్గరికి వచ్చినపడు ఒక విధమైన స్రావాలను ఉత్పత్తి చేస్తయి. ఈ స్రావం ఆయా కీటకాలకు అత్యంత ఇష్టమైన ఆహార పదార్దం వాసన వస్తది. కీటకాలు తమ టెంటకిల్ సాయంతో వీటి వాసనను గుర్తిస్తయి. వెంటనే అది నిజమైన ఆహారమేననే బ్రాంతిలో డ్రోసిరాను చేరుతయి. పై పెచ్చు మెరుపులు మెరిసినట్టు కనిపించడంతో ఆహారాన్ని గుర్తించడం తేలిక గా దొరికిందనే భ్రమలో ఉంటది కీటకం. అంతే ఈ కీటకం వచ్చి డ్రోసిరా ఒళ్లో వాలుతుంది.
స్పాట్
డ్రోసిరా పత్రాల దగ్గరకు వచ్చిన కీటకం పైకి టెంటకిల్స్ గమ్ వంటి స్రావాన్ని విసురుతయి. ఆ స్రావం కీటకాల కాళ్లకు అతుక్కొంటది. అలా ఒకదాని తరువాత ఒక టెంటకిల్ స్రావాలను విసరడంతో కీటకం బంధిచబడుతది. కీటకం టెంటకిల్స్ మద్యలో చిక్కుకున్న మరుక్షణమే డ్రోసిరా ఆ కీటకాన్ని చుట్టేస్తది. కీటకం ఎంత గింజుకున్నా తప్పించుకోలేదు. ఊపిరాడకుండా చుట్టేస్తయి టెంటకిల్స్. ఆహారం పూర్తిగా జీర్ణమయ్యాక అప్పుడు డ్రోసిరా తిరిగి యధాస్తితికి వస్తది.
స్పాట్
డ్రోసిరాలో రకరకాల జాతులున్నయి. జాతి జాతికో విధమైన పద్దతిని అనుసరిస్తయి. ప్రాంతాన్ని బట్టి, అవి పెరిగే నేలను బట్టి వివిధ రకాల జాతులను చూడొచ్చు. ఇతర దేశాలలో ఇటువంటి మొక్కలను కుండీలలో పెంచుతరు. తమ ఇళ్లలో తిరిగే వివిధ రకాల నుంచి రక్షణ పొందేందుకు ఈ మొక్కలు సహకరిస్తయి. అందుకే ఈ మొక్కలను చాలా మంది కుండీలలో పెంచుతారు.
స్పాట్ (కుండీలలో మొక్కలు)
యాంకర్ 6
డయేనియా, డ్రోసిరా మొక్కలు కీటకాలను ఎలా వేటాడుతాయో చూశాం..కానీ ఈ రెండింటికి భిన్నంగా కీటకాలు ఆయాచితంగా ఒళ్లో వచ్చి వాలే ట్రిక్ ఉందీ మొక్కదగ్గర. వద్దనుకున్నా సరిపోను ఆహారం సమకూరుతుంది. ఇంతకీ ఈ పిచ్చర్ ప్లాంట్ కు ఉన్న స్పెషల్ నిర్మాణాలేంటి. అసలీ నెపెంథిస్ మొక్క ఎలా కీటకాలను, ఇతర జీవులను వేటాడగలుగుతుంది. చూద్దాం..
స్పాట్
సన్ డ్యూ తరువాత పిచ్చర్ ప్లాంట్ మొక్క కూడా కీటకాహార మొక్కల్లో అతి ముఖ్యమైనది. ఒక్కసారి పిచ్చర్ ప్లాంట్ గురించి కూడా తెలుసుకుందాం.
స్పాట్ (Mouse gets eaten by Nepenthes carnivorous plant)( Carnivorous plant almost catches mouse)
పిచ్చర్ ప్లాంట్ చూడటానికి చిన్న కూజాలా ఉంటది. కానీ ఇది చిరు జీవుల పాలిట నరక కూపం అని చెప్పొచ్చు. దీన్న తాకిన ప్రతి జీవి ప్రాణాలపై ఆశలొదులుకోవలసిందే..
స్పాట్
ఈ పిచ్చర్ ప్లాంట్ ను నెపెంథిస్ అని పిలుస్తరు. ఇవి చాలా రకాలుగా ఉంటయి. కొన్ని ఆకు పచ్చరంగులోనూ.. కొన్ని ఎర్రని రంగులోను. మరికొన్ని తెలుపు మచ్చలు గ్రీన్ కలర్ లో ఉంటయి.
స్పాట్
ఈ పిచ్చర్ ప్లాంట్ నుంచి స్రవించే కొన్ని రకాల ద్రవాలు కీటకాలను ఆకర్షిస్తయి. ఈ మొక్కల పై ఉండే మొజాయిక్ సింబల్స్ కూడా కీటకాలకు ఆహారంలా కనిపిస్తయి. దీంతో కీటకాలు వాటి పై వాలిపోతయి. ఆశగా వాలిందా జీవితం పై ఆశలొదులుకోవలసిందే..
స్పాట్
ఈ కూజా లాంటి బాగం లోపల, కూజా వెలుపల మూతలా ఉన్న బాగంలో కూడా మైనం వంటి పూత ఉంటది. ఆశతో దీని పరిధి పై వాలిన జీవి కూజా వంటి బాగంలో పడిపోతుంది. ఈ కూజా లోపలి బాగంలో నీరుంటది. కీటకాలు నీటిలో పడి కొట్టుకొని కొట్టుకొని మరణిస్తాయి. లేదా.. అంచులను పట్టుకొని పైకి రావాలన్నా సాధ్యం కాదు ఎందుకంటే రెక్కలు తడిచిపోయి ఉంటయి. కాళ్లలో గ్రిప్ ఉండదు. మైనపు పూత వల్ల కీటకాలు గోడను పట్టుకొని ఎక్కడం సాధ్యం కాదు. తడిసిపోయిన రెక్కలతో ఎగరడం అంతకంటే సాధ్యం కాదు. ఇక జీవితాల పై ఆశలు కోల్పోవలసిందే.. అదే పిచ్చర్ ప్లాంట్ టెక్నిక్.
స్పాట్
పిచ్చర్ ప్లాంట్ లో ఎన్నో రకాలున్నయి. అయితే ఈ నెపెంథిస్ కూజాలో కీటకాలే కాదు.. రకరకాల జీవులు చేరుతయి. దీంట్లో ఎలుకలు పడ్డా ప్రాణాల పై ఆశలొదులుకోవలసిందే.. ఎంత పెద్ద జీవి పడితే ఈ మొక్కకు అంత ఉపయోగం. ఎందుకంటే కొన్ని సార్లు ఈ పిచ్చర్ ప్లాంట్ కూజాను కోసి చూస్తే వందల కొద్ది జీవులు బయట పడుతయి. ఇందులో కీటకాలు. నత్తలు, కాటర్ పిల్లర్లు, నీటి కప్పలు ఒకటేమిటి రకరకాల జీవులు ఈ చెట్టుకు ఆహారంగా మారాల్సిందే..
స్పాట్..
మొక్కే కదా.. పెద్ద జీవులయితే..దాని కూజాను చించుకొనిర బయట పడొచ్చుకదా అని అనుకుంటరు. కానీ దీని కూడా మందపాటి గోడలతో.. పీచు పదార్ధాన్ని కలిగి ఉంటది. చాలా గట్టిగా ఉంటుంది. అంత ఈజీగా తెగదు. అందుకే ఈ నెపెంథిస్ బారిన పడ్డ జీవులు చనిపోక తప్పదు.
స్పాట్
యాంకర్ 7
ఒక జీవి కదలాలంటే.. దానికి నాడీ వ్యవస్థ కావాలి, కండర వ్యవస్థ కావాలి., అంతేకాదు ఈ వ్యవస్థకు ఆదేశాలు జారీ చేసే మెదడు కావాలి. కానీ ఇవేవీ లేకుండానే మొక్కలు కీటకాలను హాం ఫట్ మని లాగేస్తున్నయి. చూడ్డానికే వింతలా ఉండే ఈ మొక్కలు ఇప్పటివి కావు. ఈ మొక్కలు అతి పురాతనమైనవి.
స్పాట్
పురాణాల్లో మాంసాహార వృక్షాల గురించిన ప్రస్థావన ఉంది. ఇవి పెద్ద వృక్షాలు. ఇవి ఏకంగా మనుషులనే మింగేవట. కానీ ఇప్పుడా జాతి వృక్షాలు లేవు. అక్కడక్కడా ఉన్నట్టు వార్తులు వస్తున్నా అవి కేవలం పుకార్లేనని రుజువయింది. నిజానికి ఈ మొక్కలకు నాడీ వ్యవస్థగానీ కండర వ్యవస్తగానీ, మెదడు కానీ లేకున్నా మొక్కల్లో ఈ రకమైన కదలిక నిర్మాణాలుండటం నిజంగా ఆశ్చర్యం గొలిపే విషయమే.
స్పాట్
జంతువులలో మాత్రమే కదలికలు ఉండటం మనం గమనించాం. కానీ మొక్కలు గాలికి మాత్రమే కదులుతయి. కానీ ఆహార సేకరణకోసం రకరకాల ట్రిక్స్ ప్లే చేసి జీవులను పట్టుకొని తమకు ఆహారంగా మర్చుకోవడం నిజంగా ప్రకృతి వింతే. మన ఇళ్లలో ఎలకలను పట్టుకోవాలన్నా ఎంతో కాలనికిగానీ ఒక బోన్ తయారు చేయలేకపోయాం. కానీ మొక్కల్లో ప్రకృతి ప్రసాదించిన బోను ఎంతో సమర్ధవంతం పనిచేస్తుంది.
స్పాట్
మాంసాహార మొక్కలు ఒక భూమి పైనే కాదు. నీటిలో కూడా ఉన్నవి . వీటిని యుట్రిక్యూలేరియా అని పిలుస్తరు. చూడ్డానికి అత్యంత సూక్ష్మంగా ఉన్నా ఇవి తమకున్న టెంటకిల్స్ సాయంతో ఆహారాన్ని ఈజీగా తమ బ్లాడర్ లోకి లాక్కొని ఆహారంగా తీసుకుంటది. ఈ వ్యవస్థ మొత్తం సూక్ష్మదర్శిని కింద పరిశీలించినపుడు మాత్రమే కనిపిస్తది.
స్పాట్
ఎండ్ యాంకర్
ఇవీ ఈ వారం సైన్స్ విశేషాలు మరిన్ని లేటెస్ట్ టాపిక్ తో మీ ముందుటా.. దిసీజ్ శోబన్. బైబై..
బ్రేక్
కామెంట్లు లేవు:
కామెంట్ను పోస్ట్ చేయండి